Qozog‘iston prezidenti Qosim-Jo‘mart To‘qayev ayollarning pensiya yoshini “muzlatib qo‘yish” to‘g‘risidagi qonunni imzoladi. Bu haqda Akorda xabar berdi.
To‘qayev “Qozog‘istonning ayrim qonun hujjatlariga yoshlarga oid davlat siyosati va ijtimoiy ta’minot masalalari bo‘yicha o‘zgartish va qo‘shimchalar kiritish to‘g‘risida”gi qonunini imzolagan. Qabul qilingan o‘zgartirishlarga ko‘ra, ayollarning pensiya yoshi 2028-yilgacha 61 yosh etib belgilanadi.
Bundan tashqari, bola parvarishi uchun to‘lovlar muddati 1,5 yilgacha oshirilmoqda. Eng kam bazaviy pensiya miqdorini esa yashash minimumining 70 foizigacha, maksimal bazaviy pensiya miqdorini esa yashash minimumining 120 foizigacha oshirish ko‘rib chiqilmoqda.
Hujjatga, shuningdek, yoshlarning yoshini 29 yoshdan 35 yoshgacha oshirish, mahalliy ijro hokimiyati organlariga yoshlarni imtiyozli ijaraga beriladigan uy-joy bilan ta’minlash dasturlarini ishlab chiqish va amalga oshirish huquqini beruvchi o‘zgartirishlar kiritilgan.
Izoh (0)