Xitoyda koronavirusning yangi to‘lqini ilgari dunyoning turli mamlakatlarida tarqalgan shtammlar tufayli yuzaga keldi. Bu haqda GISAID (Global Virus Genom ma’lumotlar bazasi) ga tayanib, Bloomberg xabar berdi.
Hukumat noyabr oyida Pekin, Guanchjou va Ichki Mo‘g‘ulistonda (Xitoy shimolidagi avtonom hudud) to‘plangan 25 ta genetik namunani ma’lumotlar bazasiga kiritgan. Ularni o‘rganib chiqqandan so‘ng, olimlar virus odamdan odamga yuqqanda tabiiy ravishda sodir bo‘ladigan kichik o‘zgarishlarni payqagan.
“Hozircha yangi koronavirus varianti borligi haqida hech qanday dalil yo‘q”, — dedi GISAID bosh direktori Piter Bogner.
Xitoyning Kasalliklarni nazorat qilish va oldini olish markazi tomonidan taqdim etilgan namunalar GISAID ma’lumotlar bazasida mavjud bo‘lgan ba’zi namunalarga juda o‘xshash bo‘lib chiqqan. Hozirda baza 14,4 million SARS-CoV-2 genomik ketma-ketligi haqida ma’lumotni o‘z ichiga oladi. Xitoyda “omikron”ning BF.7 va BA.5.2 subvariantlari kasallik avj olishiga sabab bo‘lgan. Bu virus turlari AQSH va Rossiyada ham qayd etilgan.
Eslatib o‘tamiz, 20-dekabr kuni bor-yo‘g‘i bir kunda 37 million kishi koronavirus bilan kasallangani keltirib o‘tilgan. Bungacha mustaqil tahlilchilar yaqinda kasallanishlar sonini taxminiy million kishiga baholagandi. Kunlik o‘lim darajasi besh ming kishi atrofida bo‘lgan. Rasmiy ravishda, Xitoy hukumati dekabr oyi boshidan beri atigi kasallanishning uch ming holatni tasdiqlagan.
Izoh (0)