“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 12-soni mavzusi “Jamoat transporti muammolari” bo‘lib, dastur mehmoni sifatida iqtisodchi Otabek Bakirov taklif etildi.
Tramvay juda ko‘pchilik odamlar tasavvurida eng yaxshi transport sifatida shakllangan. Orada bir muddat faqat O‘zbekistonda emas, Yevropada ham, Amerikada ham tramvaylardan voz kechish davri bo‘ldi. Ko‘p davlatlar bu katta xato ekanligini tan olib, tramvayni qaytara boshladi. O‘ylashimcha, shahar haddan tashqari katta bo‘lib ketmaguncha tramvay eng qulay transport turlaridan biri bo‘ladi. Ayniqsa, shahar tarixiy qiyofa, tarixiy markazlarga ega bo‘lsa, tramvaydan yaxshiroq transport turi yo‘q deb hisoblayman.
Masalan, Navoiy, Shota Rustaveli, Mirzo Ulug‘bek (TTZga qarab ketadigan), Lutfiy ko‘chasini tramvaysiz tasavvur qilolmayman. Avvalboshdan loyiha qilingandayoq bu ko‘chalar tramvay bilan shakllantirilgan. Yangi massivlarga tramvay borishi zarur demayapman, lekin nisbiy afzallik nuqtayi nazaridan eski ko‘chalar (yuqorida sanalgan)ning shakllanishi, infratuzilmasi, afzalligi tramvay bilan bog‘langan, — deydi Otabek Bakirov.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (0)