“Jamoat transporti shaharning tirik organizmligini his qilgan holda yo‘lga qo‘yilishi kerak” — Otabek Bakirov

“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 12-soni mavzusi “Jamoat transporti muammolari” bo‘lib, dastur mehmoni sifatida iqtisodchi Otabek Bakirov taklif etildi.

Toshkent uchun Praga va Amsterdamni namuna sifatida ko‘raman. Odamlar avtomobildan ko‘ra, jamoat transportida yurishning afzalligini doimiy ravishda his qilishi kerak bo‘lgan ekotizim yaratishimiz kerak. Uzoqqa bormaylik, Olmaota yoki Ostonaning jamoat transporti juda sog‘lom, ratsionallik bilan, har bir hisob-kitobi bilan tashkil etilgan. Shahar tirik organizm ekanligini his qilib turib, jamoat transporti yo‘lga qo‘yilgan. Lekin Bishkek yoki Dubayni jamoat transporti va havo tozaligi borasida ham tavsiya qilmayman. Bizning yo‘limiz emas ularga ergashish, — deydi iqtisodchi.

 Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.