“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 12-soni mavzusi “Jamoat transporti muammolari” bo‘lib, dastur mehmoni sifatida iqtisodchi Otabek Bakirov taklif etildi.
Google yoki Yandex’da alohida xarita ilovasi bor. U manzilga piyoda, jamoat transporti yoki avtomobilda qancha vaqtda hamda qanday yetib borish to‘g‘risida variantlarni ham ko‘rsatadi. Men Toshkent shahrida jamoat transporti taksidan ko‘ra tezroq yetib borishi mumkin bo‘lgan algoritmni hali ko‘rmadim. Shunday kunga yetishimiz kerakki, Google yoki Yandex bizga taksidan ko‘ra jamoat transportida tezroq yetib borasan, degan variantlarni taklif qilishi kerak. Chunki odamlar uchun xizmat qiladigan shaharlarda tartib xuddi shunday.
Men doim ishga yoki boshqa yerga yo‘l olsam, avval masofa hamda vaqtni o‘zim uchun belgilab olaman. Masalan, aynan shu yergacha 1 soat-u 10 daqiqada 14,5 km masofa bosib keldim. Buncha vaqt esa jamoat transporti uchun ko‘p deb hisoblayman. Hozir metro-avtobusda soat 10 dan kechki 4–5 largacha chastota juda uzayib ketgan. Toshkent — 24 soatlik rejimda yashayotgan ekotizimga ega shahar: biznes ham, odamlar ham tinimsiz harakatda. Shuning uchun intervalni faqat “pik” payti qisqartirish, undan tashqari paytda esa bemalol uzaytirish mumkin, degan qarash noto‘g‘ri. Agar metro yoki avtobus qatnovi ertalabkidek chastotada bo‘lganida, men bu yerda 45 daqiqada yetib kelishim mumkin edi, – deydi iqtisodchi.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (0)