«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 12-сони мавзуси «Жамоат транспорти муаммолари» бўлиб, дастур меҳмони сифатида иқтисодчи Отабек Бакиров таклиф этилди.
Трамвай жуда кўпчилик одамлар тасаввурида энг яхши транспорт сифатида шаклланган. Орада бир муддат фақат Ўзбекистонда эмас, Европада ҳам, Америкада ҳам трамвайлардан воз кечиш даври бўлди. Кўп давлатлар бу катта хато эканлигини тан олиб, трамвайни қайтара бошлади. Ўйлашимча, шаҳар ҳаддан ташқари катта бўлиб кетмагунча трамвай энг қулай транспорт турларидан бири бўлади. Айниқса, шаҳар тарихий қиёфа, тарихий марказларга эга бўлса, трамвайдан яхшироқ транспорт тури йўқ деб ҳисоблайман.
Масалан, Навоий, Шота Руставели, Мирзо Улуғбек (ТТЗга қараб кетадиган), Лутфий кўчасини трамвайсиз тасаввур қилолмайман. Аввалбошдан лойиҳа қилингандаёқ бу кўчалар трамвай билан шакллантирилган. Янги массивларга трамвай бориши зарур демаяпман, лекин нисбий афзаллик нуқтаи назаридан эски кўчалар (юқорида саналган)нинг шаклланиши, инфратузилмаси, афзаллиги трамвай билан боғланган, — дейди Отабек Бакиров.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)