Har bir insonning o‘ziga xos xususiyatlari bor, ulardagi odatlar boshqalarga g‘alati tuyulishi mumkin. Ayrim mashhurlar ham ayrim ba’zi odatlari bilan muxlislarining e’tiboriga tushgan. Masalan, model Xeydi Klum omadi kelishi uchun o‘zi bilan birga qopchada tishini olib yuradi, aktyor Kolin Farrell esa film suratga olish jarayonining birinchi kunida doim bir xil bokschi shortilarini kiyadi. AdMe nashri mashhurlarning g‘alati odatlari haqida ma’lumot berdi.
Keti Perri
Xonanda Keti Perri kuniga kamida 3 marotaba tishlarini tozalaydi. “Men tishlarimni har doim yuvib turaman, chunki ularning Britni Spirsniki kabi oppoq bo‘lishini xohlardim. Bolaligimda 13 ta kariyesim bor edi, shuning uchun mening nimaga bunchalik tashvishlanayotganimni tasavvur qilishingiz mumkin”, — deydi Keti.
Xonandaning yaqin insonlaridan biri u plomba qo‘yishdan qo‘rqqani uchun kuniga 6 marta tishlarini tozalashini aytgan. Shuningdek, u Keti Perrida har doim 20 ta yangi tish cho‘tkasi bo‘lishini ta’kidladi.
Kit Harington
“Taxtlar o‘yini” filmidagi aktyor Kit Haringtonning qahramoni Jon Snou har doim o‘zi bilan qilich olib yurgan. Biroq aktyor hayotda doimo o‘zi bilan sharikli ruchka olib yuradi. “Bolaligimdan menda omad tumori bor — ruchkani hamma joyda olib yuraman”, — deydi Harington.
Aktyorning yana bir kulgili odati bor. U har safar samolyotga chiqish arafasida uch marta samolyotning tashqi tomonini ushlaydi.
Merayya Keri
2013-yilda tabloidlar mashhur xonanda Merayya Keri haftasiga 3 kun faqat olxo‘ri, uzum va baqlajon kabi binafsha rangdagi taomlarni iste’mol qilgani haqida xabar berdi. Xonanda ushbu parhez yordamida keyinchalik farzandini dunyoga keltirganidan so‘ng ozishga harakat qildi.
Merayya Kerining yana bir qiziq odati shundaki, u uyqu paytida yotoqxonasida 20 ta namlagichni yoqadi. Natijada uning xonasi bug‘xonaga o‘xshaydi. Bunday nam havo xonandaning ovoz paychalarining ajoyib holatda qolishini ta’minlaydi. Merayyaning yotoqxonasidagi shift egilgan, shuning uchun kondensat pastga oqadi va uning boshiga tushmaydi.
Jessika Bil
Aktrisa Jessika 2017-yilda ijtimoiy tarmoqlardagi sahifasiga dushda ovqatlanayotgani aks etgan suratini joylashtirdi. Ko‘rsatuvlardan birida Jessika bu g‘alati fotosuratiga: “Bu shunchaki onaning hayoti”, — deb izoh berdi. Ma’lumot uchun, aktrisa 2015-yilda turmush o‘rtog‘i Jastin Timberleyk bilan ota-ona bo‘lgan edi.
Keyt Hadson
Keyt Hadson terini bir zumda taranglashtirish usuli bilan o‘rtoqlashdi. “Tez uyg‘onish yoki terim kamroq xira bo‘lishi uchun boshimni muzli idishga botiraman. Bu xuddi yuzingizni sovuq suvga botirganga o‘xshaydi”, — deydi aktrisa. Bu usulni unga Gollivudning mashhur aktyorlaridan biri bo‘lgan Pol Nyuman o‘rgatgan.
Mark Uolberg
Mark Uolberg 2018-yilda ijtimoiy tarmoqlardagi sahifasiga o‘zining g‘alati kun tartibini joylashtirdi. Shundan keyin aktyor, prodyuser, biznesmen, sobiq model, reper, qo‘shiqlar muallifi qanday qilib ko‘p vazifalarni samarali bajarishi aniq bo‘ldi.
Ma’lum bo‘lishicha, aktyor soat 2:30 da uyg‘onadi, 2 marta ovqatlanadi, mashq qiladi, golf o‘ynaydi, kriyoterapiya seansidan o‘tadi. Jadvalda kundalik va ish daqiqalari ham bor, keyin yana mashg‘ulotlar va 19:30 da uxlash vaqti belgilangan. Aktyorning 350 million dollarlik boyligiga qaraganda, bunday qattiq rejim o‘z samarasini bermoqda.
Jessika Alba
Mashhur aktrisa Jessika Alba suvga pushti Himolay tuzini qo‘shib iste’mol qiladi. Gap shundaki, aktrisa yoga bilan shug‘ullangani sababli unga oddiy suv yetarli bo‘lmaydi. “Gunohlar shahri” va “Fantastik to‘rtlik” filmi yulduzi qondagi shakar miqdorining va qon bosimining pastligi tufayli juda ko‘p tuzli parhezga rioya qilishga majbur bo‘lganini ta’kidlaydi. Aks holda, Jessika Alba o‘zining so‘zlariga ko‘ra, “aqldan ozgan” bo‘lar edi.
Jeyson Sigel
“Men onang bilan qanday uchrashdim” seriali va “Qo‘g‘irchoqlar” multfilmi yulduzi Jeyson Sigel qo‘g‘irchoqlarga bo‘lgan ishtiyoqidan uyalmaydi. Bu qo‘g‘irchoqlar tom ma’noda uning hayotini egallab oldi. Aktyorning uyida qo‘g‘irchoqlar bilan to‘la shaxsiy xonasi ham bor.
Ketrin Zeta-Jons
Bir marta aktrisa tishlarini qulupnay bilan yuvganini tan olgan. “Qulupnay sharbati yoki mag‘zida olma kislotasi mavjud bo‘lib, u biriktiruvchi ta’sir ko‘rsatadi va yuzaki dog‘larni yengillashtiradi. Ananaslar xuddi shunday xususiyatga ega”, — deydi aktrisa.
Stiven King
Amerikalik yozuvchi Stiven King shirinliklarni juda yaxshi ko‘rishini aytgan. U Bon Appetit nashriga bergan intervyusida shirinliklar uning aqli uchun ozuqa ekanini, shuning uchun u har kuni yozishga o‘tirishidan oldin bir bo‘lak chizkeyk yeyishini ta’kidlagan.
Ueyn Runi
Eng yaxshi ingliz futbolchilaridan biri Ueyn Runi ba’zida uzoq vaqt uxlay olmasligini aytgan. Runi uyqusizlikni yengish uchun changyutgich yoki fenni yoqadi. Elektr moslamasining shovqini ostida futbolchi xotirjamlik bilan uxlay oladi.
Bleyk Layvli
Aktrisa Bleyk Layvli 2014-yilda ipakdek sochlarini mayonez bilan yuvishini oshkor qildi. U bu usulni onasi o‘rgatganini aytgan. Sochingizni yuvishdan oldin uchlariga mayonez surting. Shundan keyin shampun sochlarni yumshatadi, ular namlangandek ko‘rinadi va uchlari mo‘rt bo‘lmaydi.
Mavzuga doir:
- Skarlett Yoxansson, Lesli Xemilton va egizagi bor boshqa mashhurlar (foto).
- Mashhurlar oilasida dunyoga kelganini ko‘pchilik bilmaydigan Gollivud yulduzlari (foto).
- Farzandidan ayrilgan, 3 soat uxlagan, hojatxonada farroshlik qilgan: muvaffaqiyatga erishish yo‘lida turli qiyinchiliklardan o‘tgan yulduzlar (foto)
- Roli sabab tomoshabinlar tanqidi va g‘azabiga uchragan mashhur aktyor va aktrisalar (foto
Izoh (0)