Mashhur Gollivud yulduzlari ro‘yxatida qolish aktyorlar uchun oson emas, agar ular ishtirokidagi filmlar kassada muvaffaqiyatsizlikka uchrasa va tomoshabinlar ularni yaxshi qabul qilmasa vaziyat yanada yomonlashadi. Rollari tufayli professional tanqidchilar va tomoshabinlar g‘azabiga sabab bo‘lgan taniqli san’atkorlar haqida ma’lumot beramiz.
Nikol Kidman: “Akvamen” va “Rikardo kabi”
“Akvamen” filmida 51 yoshli Nikol Kidman bosh qahramonning yosh onasi Qirolicha Atlanna rolini o‘ynaydi. Ba’zi tomoshabinlar aktrisaning go‘zalligini maqtashsa-da, boshqalarga aksincha, uning g‘ayritabiiy ko‘rinishi yoqmaydi: “Men Nikol Kidmanni va boshqa har qanday ayollarni fotoshopsiz ko‘rishni xohlayman. Men ajinlar, kamchiliklarni ko‘rishni istayman. Mayli, ayollar qarisin”. Ushbu fikrga izoh yozgan Nikol uning qahramoni aslida qarishi mumkin emasligini aytadi, chunki voqea superqahramonlar olamida sodir bo‘ladi, bu yerda Atlanna hatto odam ham emas.
Kidmanning “Rikardo kabi” filmida komediya malikasi Lyusil Bal rolini o‘ynashi ma’lum bo‘lgach, tomoshabinlar bunga qarshi chiqishadi: “Menga Nikol Kidman yoqadi, lekin bu rol aktrisa uchun omadsiz bo‘lishi mumkin”. Ammo Nikol bu rolga juda jiddiy tayyorgarlik ko‘radi. Intervyuda u Lyusil obrazini ekranda gavdalantirish uchun o‘zining komfort zonasini tark etishga majbur bo‘lganini aytadi, chunki Kidman hech qachon kulgili qahramonlarni o‘ynamagan.
Jennifer Lourens: “Joy”
“Joy” filmida 24 yoshli Jennifer o‘zidan kamida 10 yosh katta bo‘lgan ikki farzandli ona rolini o‘ynaydi. Tanqidchilarning ta’kidlashicha, Lourens qahramonidagi umidsizlikni mukammal tarzda yetkazgan bo‘lsa-da, u ekrandagi vaziyatning barcha nyuanslarini aks ettirish uchun hali juda yosh edi. Shuning uchun ham aktrisaning muxlislari va tomoshabinlar uning qahramoniga ishonishmadi.
“Jennifer Lourensning ‘Joy’ filmidagi ijrosiga ishonmayman. U mening yoshimda. Bu yoshda ikki farzandi borligini tasavvur qilish qiyin”, — deb yozadi Twitter foydalanuvchisi.
Megan Foks: “Transformerlar”
Aktrisaga mashhurlikni “Transformerlar” (2007) filmidagi roli olib keldi. Tomoshabinlar Megan Foksning tashqi ko‘rinishi qahramoniga – maktabning eng chiroyli o‘quvchisiga juda mos kelishini ta’kidladilar. Ammo shu bilan birga, ular uning qahramoni erkin harakat qilolmasligini aytishdi. “To‘g‘risini aytsam, men uni birinchi marta “Transformerlar”ning 2-qismida ko‘rganman va uning xatti-harakati qanchalik noqulay va qo‘pol tuyulganidan hayratda qoldim”, deb yozadi tomoshabin.
Enn Xeteuey: “Ustomon firibgarlar” va “Jodugarlar”
Enn Xeteueyni so‘nggi ikki ishi – “Ustomon firibgarlar” va “Jodugarlar” filmlaridagi rollari uchun internet foydalanuvchilari tanqid qilishdi. Ikkala rolida ham tomoshabinlar uning aksent bilan gapirishini yoqtirishmagan.
“Enn Xeteueyni ‘Jodugarlar’ filmida o‘sha soxta aksent bilan gapirishga kim majburlaganini bilmoqchiman?” – deb so‘raydi Twitter foydalanuvchisi. Biroz vaqt o‘tgach, aktrisa intervyusida ssenariyga ko‘ra, u britancha aksent bilan gaplashishi kerakligini aytadi va o‘zi ham bunga qarshi bo‘lganini ta’kidlaydi.
Tobey Maguayr: “O‘rgimchak odam”
Kino tanqidchilarining yaxshi sharhlariga qaramay, tomoshabinlar fikriga ko‘ra, Tobi Maguayr jasur superqahramon o‘rgimchak odam rolini yaxshi o‘ynay olmagan. Qahramonining his-tuyg‘ulari ko‘pchilik tomonidan shunchalik kulgili deb hisoblanganki, filmlardagi kadrlar virusdek tarqalib, memlarga aylanadi.
“Hozirda o‘g‘lim bilan ‘O‘rgimchak odam’ filmini tomosha qilyapman va Tobining bu rolga qanchalik mos kelmasligiga yana bir bor amin bo‘ldim. Piter bilimdon, lekin u kinodagi kabi ahmoq omadsiz yigit rolini o‘ynamasligi kerak edi”, deb yozadi Reddit foydalanuvchisi.
Kameron Dias: “Nyu-York to‘dalari”
Rejissor Martin Skorseze tomonidan suratga olingan “Nyu-York to‘dalari” filmida Kameron Dias Jenni ismli firibgar rolini o‘ynaydi. “O‘xshamagan rol va ishqiy tuyg‘ularning g‘ayritabiiy tarzda ifodalanishi uning Leonardo Di Kaprio bilan bo‘lgan sahnalarini chidab bo‘lmas holga keltiradi. Kemeron juda beparvo edi”,— deb yozadi ijtimoiy tarmoq foydalanuvchilari.
Natali Portman: “Dovyurak”
Ko‘pgina tomoshabinlar o‘zining dastlabki rollari bilan muxlislar qalbidan joy olgan Garvard bitiruvchisi Natali Portmanning o‘ta qo‘pol bo‘lib chiqqan “Dovyurak” filmida suratga tushishga qanday rozi bo‘lganini tushunmaydi. “Natali Portman juda ajoyib, juda yoqimtoy va aqlli. Nega u ushbu filmda rol o‘ynashga rozi bo‘lgan?”, — deydi tomoshabinlar hayratlanib.
Mavzuga doir:
- “Garri Potter” sahnasi ortida sodir bo‘lgan voqealar ba’zan filmning o‘zidan ham qiziqroq ekanligining isboti (foto)
- Irkit o‘rdakchadan go‘zal oqqushga: film avvalida xunuk bo‘lsa-da, yakunida sohibjamolga aylangan qizlar haqidagi filmlar
- Insult, jigar saratoni va qandli diabet. Og‘ir xastalik bilan kurashayotgan o‘zbekistonlik san’atkorlar
Izoh (0)