Gollivud kinostudiyalari chalg‘ituvchi treylerlar va reklama materiallarini tarqatgani uchun javobgarlikka tortilishi mumkin, deb xabar bermoqda “Film.ru” nashri.
Bu qarorga aktrisa Ana de Armasning ikki muxlisining da’vosi sabab bo‘lgan. Ular “Yesterday” musiqiy filmining treylerini ko‘rib, filmni ijaraga olishga qaror qilgan. Videoda de Armas borligiga qaramay, uning roli loyihadan qirqilgan. Muxlislar reklama treylerini chalg‘ituvchi deb topib, har biri filmni chiqargan Universal kompaniyasidan 5 million dollar talab qildi. Da’vogarlar bu miqdorni oladimi yoki yo‘qmi noma’lum. Ish yaqin kunlarda davom ettiriladi.
“Yesterday” kinokartinasi xonanda Jek (filmda bu rolni aktyor Ximesh Patel ijro etgan) haqida, u Yer yuzida The Beatles guruhining barcha qo‘shiqlarini yoddan biladigan yagona insonga aylanadi. De Armas qahramonning sevgilisi Roksanna rolini o‘ynashi kerak edi. Rejissor Denni Boyl tomonidan suratga olingan “Yesterday” filmi 2019-yilda butun dunyo bo‘ylab 154 million dollar ishlab topdi.
Mavzuga doir:
- Irqchi, zo‘ravon va qoidabuzar: Gollivudda nomaqbul ishlari uchun qora ro‘yxatga kiritilgan yulduzlar (foto).
- Gollivudda karyerasi avvalida ko‘zga tashlanmagan, keyinroq esa olamshumul shuhrat qozongan aktyorlar (foto).
- Gollivudning hanuzgacha “Oskar”ga loyiq ko‘rilmagan mashhur aktyor va aktrisalari (foto).
- Mashhurlar ajrimi: Gollivudning yulduzli juftliklari oilasi buzilishiga sabab bo‘lgan holatlar haqida gapirdi.
Izoh (0)