Ҳар бир инсоннинг ўзига хос хусусиятлари бор, улардаги одатлар бошқаларга ғалати туюлиши мумкин. Айрим машҳурлар ҳам айрим баъзи одатлари билан мухлисларининг эътиборига тушган. Масалан, модель Хейди Клум омади келиши учун ўзи билан бирга қопчада тишини олиб юради, актёр Колин Фаррелл эса фильм суратга олиш жараёнининг биринчи кунида доим бир хил боксчи шортиларини кияди. AdMe нашри машҳурларнинг ғалати одатлари ҳақида маълумот берди.
Кети Перри
Хонанда Кети Перри кунига камида 3 маротаба тишларини тозалайди. «Мен тишларимни ҳар доим ювиб тураман, чунки уларнинг Бритни Спирсники каби оппоқ бўлишини хоҳлардим. Болалигимда 13 та кариесим бор эди, шунинг учун менинг нимага бунчалик ташвишланаётганимни тасаввур қилишингиз мумкин», — дейди Кети.
Хонанданинг яқин инсонларидан бири у пломба қўйишдан қўрққани учун кунига 6 марта тишларини тозалашини айтган. Шунингдек, у Кети Перрида ҳар доим 20 та янги тиш чўткаси бўлишини таъкидлади.
Кит Ҳарингтон
«Тахтлар ўйини» фильмидаги актёр Кит Ҳарингтоннинг қаҳрамони Жон Сноу ҳар доим ўзи билан қилич олиб юрган. Бироқ актёр ҳаётда доимо ўзи билан шарикли ручка олиб юради. «Болалигимдан менда омад тумори бор — ручкани ҳамма жойда олиб юраман», — дейди Ҳарингтон.
Актёрнинг яна бир кулгили одати бор. У ҳар сафар самолётга чиқиш арафасида уч марта самолётнинг ташқи томонини ушлайди.
Мерайя Кери
2013 йилда таблоидлар машҳур хонанда Мерайя Кери ҳафтасига 3 кун фақат олхўри, узум ва бақлажон каби бинафша рангдаги таомларни истеъмол қилгани ҳақида хабар берди. Хонанда ушбу парҳез ёрдамида кейинчалик фарзандини дунёга келтирганидан сўнг озишга ҳаракат қилди.
Мерайя Керининг яна бир қизиқ одати шундаки, у уйқу пайтида ётоқхонасида 20 та намлагични ёқади. Натижада унинг хонаси буғхонага ўхшайди. Бундай нам ҳаво хонанданинг овоз пайчаларининг ажойиб ҳолатда қолишини таъминлайди. Мерайянинг ётоқхонасидаги шифт эгилган, шунинг учун конденсат пастга оқади ва унинг бошига тушмайди.
Жессика Бил
Актриса Жессика 2017 йилда ижтимоий тармоқлардаги саҳифасига душда овқатланаётгани акс этган суратини жойлаштирди. Кўрсатувлардан бирида Жессика бу ғалати фотосуратига: «Бу шунчаки онанинг ҳаёти», — деб изоҳ берди. Маълумот учун, актриса 2015 йилда турмуш ўртоғи Жастин Тимберлейк билан ота-она бўлган эди.
Кейт Ҳадсон
Кейт Ҳадсон терини бир зумда таранглаштириш усули билан ўртоқлашди. «Тез уйғониш ёки терим камроқ хира бўлиши учун бошимни музли идишга ботираман. Бу худди юзингизни совуқ сувга ботирганга ўхшайди», — дейди актриса. Бу усулни унга Голливуднинг машҳур актёрларидан бири бўлган Пол Нюман ўргатган.
Марк Уолберг
Марк Уолберг 2018 йилда ижтимоий тармоқлардаги саҳифасига ўзининг ғалати кун тартибини жойлаштирди. Шундан кейин актёр, продюсер, бизнесмен, собиқ модель, рэпер, қўшиқлар муаллифи қандай қилиб кўп вазифаларни самарали бажариши аниқ бўлди.
Маълум бўлишича, актёр соат 2:30 да уйғонади, 2 марта овқатланади, машқ қилади, голф ўйнайди, криётерапия сеансидан ўтади. Жадвалда кундалик ва иш дақиқалари ҳам бор, кейин яна машғулотлар ва 19:30 да ухлаш вақти белгиланган. Актёрнинг 350 миллион долларлик бойлигига қараганда, бундай қаттиқ режим ўз самарасини бермоқда.
Жессика Альба
Машҳур актриса Жессика Альба сувга пушти Ҳимолай тузини қўшиб истеъмол қилади. Гап шундаки, актриса ёга билан шуғуллангани сабабли унга оддий сув етарли бўлмайди. «Гуноҳлар шаҳри» ва «Fantaстик тўртлик» фильми юлдузи қондаги шакар миқдорининг ва қон босимининг пастлиги туфайли жуда кўп тузли парҳезга риоя қилишга мажбур бўлганини таъкидлайди. Акс ҳолда, Жессика Альба ўзининг сўзларига кўра, «ақлдан озган» бўлар эди.
Жейсон Сигел
«Мен онанг билан қандай учрашдим» сериали ва «Қўғирчоқлар» мультфильми юлдузи Жейсон Сигел қўғирчоқларга бўлган иштиёқидан уялмайди. Бу қўғирчоқлар том маънода унинг ҳаётини эгаллаб олди. Актёрнинг уйида қўғирчоқлар билан тўла шахсий хонаси ҳам бор.
Кетрин Зета-Жонс
Бир марта актриса тишларини қулупнай билан ювганини тан олган. «Қулупнай шарбати ёки мағзида олма кислотаси мавжуд бўлиб, у бириктирувчи таъсир кўрсатади ва юзаки доғларни енгиллаштиради. Ананаслар худди шундай хусусиятга эга», — дейди актриса.
Стивен Кинг
Америкалик ёзувчи Стивен Кинг ширинликларни жуда яхши кўришини айтган. У Бон Аппетит нашрига берган интервьюсида ширинликлар унинг ақли учун озуқа эканини, шунинг учун у ҳар куни ёзишга ўтиришидан олдин бир бўлак чизкейк ейишини таъкидлаган.
Уэйн Руни
Энг яхши инглиз футболчиларидан бири Уэйн Руни баъзида узоқ вақт ухлай олмаслигини айтган. Руни уйқусизликни енгиш учун чангютгич ёки фенни ёқади. Электр мосламасининг шовқини остида футболчи хотиржамлик билан ухлай олади.
Блейк Лайвли
Актриса Блейк Лайвли 2014 йилда ипакдек сочларини майонез билан ювишини ошкор қилди. У бу усулни онаси ўргатганини айтган. Сочингизни ювишдан олдин учларига майонез суртинг. Шундан кейин шампунь сочларни юмшатади, улар намлангандек кўринади ва учлари мўрт бўлмайди.
Мавзуга доир:
- Скарлетт Йоханссон, Лесли Хемилтон ва эгизаги бор бошқа машҳурлар (фото).
- Машҳурлар оиласида дунёга келганини кўпчилик билмайдиган Голливуд юлдузлари (фото).
- Фарзандидан айрилган, 3 соат ухлаган, ҳожатхонада фаррошлик қилган: муваффақиятга эришиш йўлида турли қийинчиликлардан ўтган юлдузлар (фото)
- Роли сабаб томошабинлар танқиди ва ғазабига учраган машҳур актёр ва актрисалар (фото
Изоҳ (0)