2022 йилнинг январь—ноябрь ойларида Ўзбекистон 702,2 миллион долларга тенг бўлган 27 526 та енгил автомобиль импорт қилган. Бу ҳақда «Дарё»га Давлат статистика қўмитаси ҳисоботидан маълум бўлди.
Натижада 11 ойдан буён автомобиллар импорти ўтган йилнинг шу даврига нисбатан 4 371 тага ошган.
Шу билан бирга, ноябрь ойида машина импорти ҳажми ўтган ойга нисбатан пасайиб, 61,3 млн долларни ташки этган. Октябрь ойида бу кўрсаткич 71,6 миллион доллар бўлган эди.
Сентябр ойида импорт ҳажми 52,5 млн долларга, август ойида 50,7 млн долларга, июлда эса 65 млн долларга тенг эди.
Таққослаш учун, январда автомобиллар импорти 65,7 млн февралда 58,8 млн мартда 64,8 млн апрелда 91,1 млн майда 40,1 ва июнда 75,4 млн долларни ташкил қилган.
Йил бошидан бери Ўзбекистон автомобиль экспорти ҳажми 319 млн долларни ташкил этди.
Шундай қилиб, 11 ой якуни бўйича автомобиль импорти экспортдан 383,2 миллион доллар — 2,2 мартага ошган.
Шу тариқа Ўзбекистон автомобилларни сотишдан кўра кўпроқ сотиб олишда давом этмоқда.
Мавзуга доир: Ўзбекистонда йил бошидан бери қайси автомобиль энг кўп ишлаб чиқарилгани маълум қилинди
Изоҳ (0)