O‘zbekistonda 2022-yilning yanvar—noyabr oylarida 294 293 dona yengil avtomobil ishlab chiqarilgan. Bu haqda Davlat statistika qo‘mitasi xabar bermoqda.
O‘n bir oyda O‘zbekistonda eng ko‘p Cobalt avtomobili ishlab chiqarilgan — 90 239 dona. Cobalt 2021-yilning mos davrida ham eng ko‘p ishlab chiqarilgan avtomobil bo‘lgan edi.
Bu borada ikkinchi o‘rinda 80 478 dona bilan Gentra avtomobili borayotgan bo‘lsa, Damas 65 456 talik ko‘rsatkich bilan uchinchi bo‘lgan.
Yanvar—noyabr oylarida shuningdek quyidagi avtomobillar ishlab chiqarilgan:
- Nexia — 20 853 dona;
- Spark — 13 312 dona;
- Tracker — 4 916 dona;
- Volkswagen Caddy — 423 dona;
- maxsus yengil avtomobillar — 18 616 dona.
Shuningdek, noyabr oyining o‘zida 8 928 ta Cobalt, 8 157 ta Gentra avtomobili ishlab chiqarilgan.
Biroq dekabr oyidan boshlab Lacetti, Cobalt, Damas va Labo avtomobillariga shartnomalar qabul qilish rasman to‘xtatildi.
Mavzuga doir: O‘zbekiston avtomobil bozori: ortib borayotgan talab, eng ko‘p savdo amalga oshirilgan hududlar haqida
Izoh (0)