Ошпаз Нусрет Гёкченинг ЖЧ—2022 финалидан кейин майдон тушиб, кубокни ушлагани баҳсларда сабаб бўлди. ФИФА бу масалани ўрганишни бошлаган

ФИФА ЖЧ—2022 финалидан сўнг ошпаз Нусрет Гёкченинг (Salt Bae) майдонга тушиб келиши бўйича иш очди.

Нусрет Гёкче — туркиялик қассоб, ошпаз ва Nusr-Et стейк-ҳаус тармоғи эгаси ҳисобланади.

Аргентинанинг Франция устидан ғалабасидан сўнг у майдонга тушиб, Лионель Месси ва бошқа футболчилар билан суратга тушган. Шунингдек, кубокни қўлига ушлаган.

«ФИФА 18 декабрь куни ‘Лусаил’ стадионида бўлиб ўтган финалдан сўнг, алоҳида шахслар қандай қилиб майдонга рухсатсиз кирганини текширмоқда. Тегишли чоралар кўрилади», — дейди ФИФА вакили.

Ташкилот ва Гёкче ўртасида расмий ҳамкорлик муносабатлари йўқ, бироқ ижтимоий тармоқларда ФИФА президенти Жанни Инфантино Nusr-Et ресторанларини мақтагани акс этган видео тарқалган. Ошпаз 2022 йилги финал ўйинига тушиш учун аккредитациядан ўтган.

The Telegraph’нинг ёзишича, Гёкче майдонга тушиш учун Инфантинодан рухсат олмаган. ФИФА вакиллари ошпазни футболчилар томонга боришга ким рухсат берганини аниқлаш ишларини бошлаб юборган.

Қайд этиш керак, ҳар икки терма жамоа ва футболга алоқадор бўлмаган Гёкченинг майдонда бемалол юриши ва совринга тегиниши ижтимоий тармоқларда кенг муҳокама ҳамда норозиликларга сабаб бўлган.

Маълумот учун, ФИФА қоидаларига кўра жаҳон кубогида маълум доирадаги шахсларгина тегишга ҳақли.