Andijondagi uyda yuz bergan yong‘inda uch nafar bola yonib ketdi

Andijon shahridagi xonadonda yong‘in yuz berib, uy egasining uch nafar farzandi yonib ketdi.

Viloyat FVB matbuot xizmati bergan xabarga ko‘ra, yong‘in 22-dekabr kuni soat 19:15 da “Dalvarzin” MFY, S.Abdulla 5-tor ko‘chasidagi uyda yuz bergan. Yong‘in joyiga 4 ta yong‘in-qutqaruv ekipaji soat 19:19 da yetib borib, soat 19:22 da yong‘in o‘rab olinib, 19:32 da o‘chirilgan.

Hodisa oqibatida uyning 70 kvadrat metr maydonda shift, tom qismi va uy jihozlari yongan. Uyning 180 kvadrat metr maydoni yong‘indan saqlab qolingan.

Yong‘in o‘chirish vaqtida uy egasining farzandlari — 2007-yilda tug‘ilgan Sh.R., 2009-yilda tug‘ilgan Sh.R., 2017-yilda tug‘ilgan Sh.M.ning 100 foiz kuygan holda jasadi topilgan.

Ayni paytda yong‘in sababi va zarari aniqlanmoqda.

Mavzuga doir: Andijondagi ko‘p qavatli uyda portlash yuz berib, 2 kishi jarohatlandi (video)