Jizzax viloyati Jizzax shahridagi dehqon bozorida 22-dekabr kuni o‘rnatilayotgan archada yong‘in sodir bo‘ldi. Holat yuzasidan viloyat Favqulodda vaziyatlar boshqarmasi axborot xizmati munosabat bildirdi.
Aniqlanishicha, soat 18:01 da viloyat FVB navbatchilik qismiga shaharning “Mirzo Ulug‘bek” mahallasi Toshkent ko‘chasi hududida joylashgan markaziy dehqon bozori avtoturargohida bozor ma’muriyati tomonidan o‘rnatilayotgan Yangi yil archasida yong‘in sodir bo‘layotgani to‘g‘risida xabar kelib tushgan.
Xabar yuzasidan zudlik bilan shahar favqulodda vaziyatlar bo‘limining 2 ta yong‘in-qutqaruv ekipaji voqea joyiga yetib borgan. Ushbu yong‘in fuqarolar tomonidan o‘chirib olingan.
Yong‘in oqibatida archaning 40 sm yuqori qismi yonib zararlangan. Yong‘inning kelib chiqishi bezak sifatida o‘rnatilayotgan chiroqlarni yoqib sinovdan o‘tkazish jarayoni bilan bog‘liq. Ushbu holatda fuqarolarning kuyish tan jarohati olish va halok bo‘lish holatlari qayd etilmagan.
Mavzuga doir:
Izoh (0)