Андижон шаҳридаги хонадонда ёнғин юз бериб, уй эгасининг уч нафар фарзанди ёниб кетди.
Вилоят ФВБ матбуот хизмати берган хабарга кўра, ёнғин 22 декабрь куни соат 19:15 да «Далварзин» МФЙ, С.Абдулла 5-тор кўчасидаги уйда юз берган. Ёнғин жойига 4 та ёнғин-қутқарув экипажи соат 19:19 да етиб бориб, соат 19:22 да ёнғин ўраб олиниб, 19:32 да ўчирилган.
Ҳодиса оқибатида уйнинг 70 квадрат метр майдонда шифт, том қисми ва уй жиҳозлари ёнган. Уйнинг 180 квадрат метр майдони ёнғиндан сақлаб қолинган.
Ёнғин ўчириш вақтида уй эгасининг фарзандлари — 2007 йилда туғилган Ш.Р., 2009 йилда туғилган Ш.Р., 2017 йилда туғилган Ш.М.нинг 100 фоиз куйган ҳолда жасади топилган.
Айни пайтда ёнғин сабаби ва зарари аниқланмоқда.
Мавзуга доир: Андижондаги кўп қаватли уйда портлаш юз бериб, 2 киши жароҳатланди (видео)
Изоҳ (2)
Ёнгин юз берган видеосида ут учирувчилар куринмаган, рости вахтида етиб боришганми
Исроил кучлари??? Исроил боскинчилари деб ёзинглар! Рус боскинчилари деб ёзаяпсиларку!