Qashqadaryo viloyatida prezident topshirig‘iga ko‘ra, foydalanishga topshirilgan ma’naviyat va ma’rifat maskanlari soni beshtaga yetdi. Bu haqda “Daryo”ga xabar bergan viloyat hokimligining ma’lumot berishicha, navbatdagi maskan viloyatning Dehqonobod tumanida foydalanishga topshirilgan.
“Prezidentning 2021-yil 26-martdagi qarori asosida tumanda bo‘sh turgan bino rekonstruksiya qilinib, ma’naviyat va ma’rifat maskani barpo etildi. Tantanali ochilish marosimida tuman hokimligi mas’ullari, keng jamoatchilik va ijodkorlar ishtirok etdi”, — deydi respublika Ma’naviyat va ma’rifat markazining Dehqonobod tuman bo‘linmasi rahbari Renat Qo‘ziboyev.
Qayd etilishicha, viloyatda bunga qadar to‘rtta markaz foydalanishga topshirilgan.
“Tadbirda so‘z olgan Respublika Ma’naviyat va ma’rifat markazining viloyat bo‘limi rahbari Lola Saodatova ushbu bino ilmga, ziyoga tashna kishilar jam bo‘ladigan, ezgu maqsadlar qanot yoyadigan, tashabbuslar qo‘llab-quvvatlanadigan maskan bo‘lishiga ishonch bildirdi”, — deydi viloyat hokimligi axborot xizmati rahbari Ahror Sodiqov.
Mavzuga doir: Toshkentda “Kitobxon oila” haykali ochildi (foto)
Izoh (0)