O‘zbekistonda pensiya faqat pasport yoki ID-karta orqali ham tayinlanishi mumkin

O‘zbekistonda ish staji va ish haqi to‘g‘risidagi ma’lumotlar raqamlashtirilgan fuqarolarga faqat pasport yoki ID-karta bilan davlat pensiyasi tayinlanishi mumkin. Bu haqda AOKAda o‘tkazilgan brifingda Budjetdan tashqari pensiya jamg‘armasi boshqarma boshlig‘i Kamoliddin Hojibekov ma’lum qildi.

Qayd etilishicha, ma’lumotlar to‘liq yoki qisman raqamlashtirilgan, mehnat faoliyatini davom ettirayotgan fuqarolar ish joyida kadrlar bo‘limiga murojaat qilib, mehnat daftarchasi hamda diplom ma’lumotlarini “Yagona milliy mehnat tizimi” idoralararo dasturiy-apparat kompleksiga kiritishni talab qilishi hamda to‘g‘ri kiritilgani bo‘yicha tekshirib chiqishi kerak.

Mehnat faoliyatini tugatgan fuqarolar istalgan Bandlikka ko‘maklashish markazlariga murojaat qilishi hamda mehnat daftarchasidagi ma’lumotlarni “Yagona milliy mehnat tizimi” idoralararo dasturiy-apparat kompleksiga kiritish xizmatidan foydalanish huquqiga ega. Ushbu xizmat bepul amalga oshiriladi.

Mavzuga doir:

• Pensiya hisoblashda yangi tartib joriy etilmoqda. Kimlarning pensiyasi oshadi?
• “Endi mahbuslarga ham ish staji hisoblanadi” — Senat ozodlikdan mahrum etilgan shaxslarga oid qonunni ma’qulladi
• O‘zbekistonda pensiya tayinlash tartibida o‘zgarish bo‘ladi