Toshkentda mashinani noqununiy tarzda yo‘l chetlari va bozor atroflarida qoldirib, sun’iy tirbandlik keltirib chiqarayotganlarga chora ko‘riladi. Bu haqda “Toshshahartransxizmat” matbuot xizmati xabar berdi.
Bu masala shahar hokimi Jahongir Ortiqxo‘jaev, Ichki ishlar vaziri o‘rinbosari Bekmurod Abdullayev va “Toshshahartransxizmat” boshqaruv raisi Anvar Jo‘rayev boshchiligida poytaxtdagi jamoat transporti muammolarini hal qilish yuzasidan idoralararo tezkor ishchi guruhi mas’ullari yig‘ilishida qayd etib o‘tilgan.
Yig‘ilishda prezident tomonidan Toshkent shahridagi jamoat transpotini yaxshilash borasida berilgan topshiriqlar ijrosini ta’minlash bo‘yicha olib borilayotgan ishlar monitoring qilingan. Shuningdek, jamoat transportidagi eng dolzarb muammolar yechimi ko‘rib chiqilgan.
Tadbir davomida qator yo‘nalishlarda muhim vazifalar belgilangan:
- avtobuslarning texnik holati va haydovchilarning yo‘nalishga chiqishidan oldin ruhiy holatlari hamda tibbiy ko‘rikdan o‘tishini muntazam nazorat qilish;
- yo‘nalishli transport vositalari uchun ajratilgan yo‘laklarda doimiy reydlarni tashkil etish;
- Navoiy va Farg‘ona yo‘li ko‘chalarida yo‘nalishli transport vositalarining harakatiga to‘siq bo‘layotgan qoidabuzarlarga tezkor chora ko‘rish va ushbu ko‘chalarga kuzatuv kameralarini o‘rnatish;
- yo‘l chetlari va bozor atroflarida noqununiy tarzda shaxsiy avtoulovlarini qoldirib, sun‘iy tirbandlikni keltirib chiqarayotganlarga chora ko‘rish.
Mavzuga doir:
Izoh (0)