Toshkentda 20-dekabr kuni “Agro TV” telekanalining rasmiy ochilish marosimi bo‘lib o‘tdi. Bu haqda “Daryo” muxbiri xabar berdi.
“Agro TV” agrosanoat sohasidagi ma’lumotlarni to‘liq yorituvchi innovatsion telekanal bo‘lib, asosan, tomoshabinga qishloq xo‘jaligi sektorini yangi va zamonaviy tomondan ochib berish, go‘sht va sut, qandolat mahsulotlari, meva-sabzavot, paxta, bug‘doy va boshqa mahsulotlar ishlab chiqarish va qayta ishlash sohasidagi so‘nggi yangiliklar, xalqaro tajriba, innovatsiyalar, nou-xau, shuningdek, yetakchi mahalliy va xorijiy ekspertlarning fikrlari bilan tanishish imkoniyatini berishga ixtisoslashgan.
Telekanal O‘zbekistonning barcha viloyatlari hamda qo‘shni respublikalarning ayrim hududlarini qamrab olgan bo‘lib, 24/7 rejimida, HD formatida ishlaydi. Bundan tashqari, “Agro TV” aholining 0+ yosh toifasi uchun mo‘ljallangan hamda o‘zbek (60%), rus (30%), ingliz (10%) tillarida faoliyat yuritadi.
Izoh (0)