Prezident Shavkat Mirziyoyev raisligida tadbirkorlik va sanoatni rivojlantirish, aholi bandligini ta’minlash chora-tadbirlari yuzasidan o‘tkazilgan videoselektor yig‘ilishida yaratilgan imkoniyatlarga qaramasdan, 2022-yil davomida doimiy bandlar soni Kitob, Koson, Mirzaobod, Narpay, Nishon, Furqat tumanlarida kamaygani ko‘rsatib o‘tilgan edi. Sirdaryo viloyatining Mirzaobod tumani hokimi Jonibek Yariyev bunga izoh berdi.
Mirzaobod tumani hududida joylashgan ip kalavani qayta ishlash fabrikasida xomashyo bilan bog‘liq muammo kuzatilgan. Shuning hisobiga mazkur holat kelib chiqqan. Bundan tashqari, boshqa shu kabi sanoat korxonalarida soliq organlariga ishchi sonini qisqartirib ko‘rsatish holatlari aniqlangan, — deydi Jonibek Yariyev.Hokimning aytishicha, shuningdek, mazkur muammoni bartaraf etish yuzasidan shtab tashkil etilib, soliq hisobotlarida ishchi xodimlarni kam ko‘rsatib o‘tgan 590 ta korxona va tashkilotlar bilan to‘liq ishlash yo‘lga qo‘yish, ko‘rsatib o‘tilgan kamchiliklarni bartaraf etish yuzasidan aniq manzilli choralar belgilab olindi. Natijada mazkur korxonalar bilan birga ishni yo‘lga qo‘yish orqali doimiy band aholi soni 2700 ga yetkaziladi.
Prezident raisligidagi selektorda respublika bo‘yicha xususiy sektorda faoliyat ko‘rsatayotgan 232 mingta korxonada ishchilar soni bor-yo‘g‘i 1 nafarni tashkil qilishi, bu esa ular haliyam “yashirin iqtisodiyot” sharoitida ishlab, “konvert”da oylik to‘lab kelayotgani tanqid qilingan edi.
Izoh (0)