Andijonda 3 opa-singil va ularga tanish bo‘lgan 2 qiz mushtlashdi (video)

Ijtimoiy tarmoqlarda Andijon viloyati Paxtaobod tumanida qizlar o‘rtasida janjal yuz bergani aks etgan videoxabar tarqaldi. Holat viloyat IIB tomonidan nazoratga olinib, o‘rganish ishlari o‘tkazildi.

Aniqlanishicha, 7-dekabr kuni soat 13:00 da Paxtaobod tumani “Muazzimboy” MFY hududida joylashgan “Gumbaz” oshxonasi oldida shu tumaning “Qashqar” MFYda yashovchi 3 nafar opa-singil — M.N., M.I. va M.A. hamda ularga oldindan tanish bo‘lgan, “Navro‘z” MFYda yashovchi fuqarolar — S.S. va S.Yu. o‘rtasida janjal yuzaga kelgan. Janjalning kelib chiqishiga M.N. tomonidan S.Yu.ga haqoratli so‘zlarning aytilgani sabab bo‘lgan.

Holat yuzasidan tuman IIB xodimlari tomonidan ushbu fuqarolarga nisbatan Ma’muriy javobgarlik to‘g‘risidagi kodeksning 183-moddasi (mayda bezorilik) tartibida hujjatlar rasmiylashtirib, chora ko‘rish uchun JIB Paxtaobod tumani sudiga yuborilgan.

Mavzuga doir:

• Toshkent viloyati IIBB “yigit talashib urishgani” aytilgan qizlar janjaliga izoh berdi
• Qoraqalpog‘istondagi qizlar janjaliga nima sabab bo‘lgani ma’lum qilindi
• Qoraqalpog‘istonda bir guruh ayollar boshqa bir ayolni “samosud” qildi (video)