Германияда концлагернинг 97 ёшли собиқ котибаси икки йилга қамалди

Германияда концлагернинг 97 ёшли собиқ котибаси икки йиллик қамоқ жазосига ҳукм қилинди. Бу ҳақда Bild хабар берди.

Аёлнинг исми Ирмгард Фурхнер бўлиб, босиб олинган Польша ҳудудида жойлашган Штуттгоф концлагерида хизмат қилган. Унга нисбатан суд жараёни бир йилдан ортиқ давом этди. Натижада судья Доминик Гросс Фурхнерни 11 387 нафар Штуттгоф маҳбуслари ўлдиришда шерик деб топди. Суд, шунингдек, аёлни концлагерда бешта суиқасд қилиш ҳолатига айбдор эканини билдирди.

Фурхнер фуқаролик лавозимини эгаллаган бўлишига қарамай, у Штуттгоф ҳудудида нима содир бўлаётганидан тўлиқ хабардор бўлган.

«Суд айбланувчига нисбатан ўз фаолияти учун адолатли ҳукм чиқарди. У била туриб ва ​​ўз ихтиёри билан даҳшатли ўлим фабрикасининг бир қисмига айланган», — дейди Литва ва Исроилдаги концлагердан омон қолган асирлар манфаатини ҳимоя қилган адвокат Онур Озата.

Суд жараёнида Фурхнер унга берилган саволларга жавоб беришдан бош тортди. Ўзининг якуний нутқида содир бўлган воқеадан ва уруш пайтида концлагерда бўлганидан афсусдалигини таъкидлади.

Мавзуга доир: Германияда 101 ёшли концлагер собиқ қўриқчиси беш йилга қамалди. У Холокост давридаги жиноятлар учун судланган энг кекса шахс бўлди