Ofisga borayotganda, sayr qilayotganda yoki shahar bo‘ylab oddiy yumushlarni bajarayotganda ham, issiq kiyim kiyib, chiroyli ko‘rinishga ega bo‘lishni istasangiz, garderobingiz uchun ayrim kiyimlarni xarid qilishingiz kerak. Kiyimlar mavsumga va urfga mos bo‘lishi kerak. Lisa nashri har bir ayolning qishki garderobida bo‘lishi tavsiya qilinadigan kiyimlar ro‘yxatini taqdim etdi.
To‘qilgan sviter (vodolazka)
Bo‘yinli to‘qilgan sviter — qish mavsumida kiyiladigan universal kiyimlardan biri hisoblanadi. Uni ko‘ylak, palto ostidan yoki yakka midi-yubka bilan kiyish mumkin.
Yorqin rangga ega kardigan
Agar siz neytral ranglarni yoqtirsangiz, qalin liboslar masalasida yorqin ranglarni tanlaganingiz ma’qul. Tashqi ko‘rinishingizni yaxshilash uchun yashil, binafsha yoki sariq ranglarni sinab ko‘ring. Kardiganni ko‘cha uslubi uchun ham ishlatishingiz mumkin: uni yechib, sharf kabi palto ustidan bog‘lang.
Bo‘yinli ko‘ylak
Qish faslida ham ko‘ylaklardan voz kechmaslik kerak. Har tomonlama qulay va zamonaviy obrazlarni yaratishga yordam beradigan chiroyli, bo‘yinli liboslar ham bu borada yaxshi tanlov bo‘la oladi.
Keng jinsi shimlar
Bu yilning eng dolzarb uslublaridan biri keng jinsi shimlar bo‘ldi. Shimlarning o‘ziga xosligi shundaki, ular qomatga moslashib, qulay siluet yaratadi.
Sport uslubidagi qalin kiyim
Sport uslubidagi qalin kiyimning qismlarini ajratib, alohida kiyish mumkin. Ushbu qalin sport kiyimlarini jinsi, yubka, shuningdek, sviter bilan ham kiyishingiz mumkin. Kiyimlarning neytral rangini tanlashga harakat qiling.
Klechatkali rubashka
Klechatkali rubashkani yil davomida kiysa bo‘ladi. Qishda esa qalin bo‘lgan, rangga ega bo‘lmagan klechatkali rubashkani jinsi va qalin shimlar bilan kiyish maqsadga muvofiq.
Klassik uslubdagi jigarrang palto
Klassik uslubdagi paltoni ko‘p yillar davomida kiyishingiz mumkin. Bu paltoni 6 oy: oktabr oyidan boshlab aprelgacha kiysa bo‘ladi. Paltoni jigarrang yoki qaymoqrangdagi turlarini tanlang.
Oddiy par kurtka (puxovik)
Qish faslida oddiy par kurtka (puxovik) yaxshi tanlov hisonblanadi. Puxovikni boshqa ko‘ylaklaringizga ham mos keladigan rangini tanlang. Ko‘pincha qora, kulrang yoki qaymoqrangdagi puxoviklar urfga mos bo‘ladi.
Shnurli botinka
Qishda oyoq kiyim uchta vazifani bajarishi: oyoqlaringizni issiq tutishi, sirg‘almasligi, shiralarga bardosh berishi kerak. Oyoq tagliklari va zamonaviy bog‘ichlari bo‘lgan etiklar sizga yordam beradi.
Kigiz etiklar
Kigiz etiklar oyoqlarni issiq saqlaydi. Ularni o‘zingizga yoqqan har qanday kiyimlar bilan kiyishingiz mumkin.
Mavzuga doir:
Izoh (0)