Muzlatkichdagi oziq-ovqatni saqlashda ko‘plab uy bekalari xatolikka yo‘l qo‘yadi, bu esa mahsulotlarning sifati buzilishiga sabab bo‘ladi. Marie Claire nashri shu xatoliklar haqida ma’lumot berdi.
Saqlab qo‘yilgan mahsulotlar foydalilik darajasini yo‘qotadi. Oziq-ovqat mahsulotlari yangi holatda iste’mol qilinganda foydali bo‘ladi. Biroq hamma narsani pishgan zahoti birdaniga yeyish mumkin emas. Xona haroratida bakteriyalar ko‘payishi tufayli oziq-ovqat buziladi. Shuning uchun ularni uzoq vaqt davomida yangi saqlash uchun muzlatgichga joylashtirish kerak. Muzlatkich kamerasi ichida harorat xona haroratidan ancha past bo‘lib, bu bakteriyalar ko‘payishini cheklaydi, biroq muzlatkich faqat oziq-ovqat to‘g‘ri saqlangan paytda foydali bo‘lishi mumkin.
Muzlatkich yaxshi sovitmayapti yoki to‘g‘ri ishlamayapti, kompressor bilan bog‘liq muammolar tufayli oziq-ovqatning sifati buziladi, degan shikoyatlarni tez-tez eshitgan bo‘lsangiz kerak. Oziq-ovqatlarni muzlatkichda to‘g‘ri joyda saqlayotganingizni tekshirganmisiz? Mahsulotlarning saqlanish muddati bevosita ushbu omilga bog‘liq.
Sut, tvorog va pishloq kabi sut mahsulotlari imkon qadar salqin joyda saqlanishi kerak. Shuning uchun ularni harorat eng past bo‘lgan javonga joylashtirgan ma’qul. Agar sizda eski uslubdagi muzlatkich bo‘lsa, muzlatish joyi ichkarida va tepada bo‘lsa, bu eng yuqori tokcha hisoblanadi. Sut mahsulotlarini ba’zi pishiriqlarni tayyorlashda ishlatmoqchi bo‘lsangiz muzlatkichga qo‘ymang, pishloq bundan mustasno.
Go‘sht mahsulotlari sifati tez buziladigan mahsulotlar tarkibiga kiradi. Go‘shtni muzlatkichda uzoq vaqt saqlasa bo‘ladi. Bu nafaqat mahsulotning sifati buzilishidan, balki boshqa muammolardan ham himoya qiladi: agar go‘sht qadoqlangan bo‘lsa, u boshqa mahsulotlarga zarar yetkazmaydi.
Non, pechenye yoki boshqa shirinliklarni muzlatkichda uzoq muddat saqlamang. E’tibor bering, ular bunday muhitda nam bo‘lishi mumkin.
Tuxumlar doimiy haroratli joyda bo‘lsa, uzoqroq saqlanadi. Shuning uchun muzlatkich eshigiga tuxumni qo‘ymang, chunki har safar ochilganda harorat o‘zgaradi. Ularni harorat barqarorroq bo‘lgan muzlatkichning orqa tomonida saqlash kerak.
Meva va ko‘katlar eng yaxshi joy — pastki javon. Bu zonada namlik nazorat qilinadi, shuning uchun ular yangi va qarsillagan holatda saqlanib turadi.
Sifati tez buzilmaydigan gazlangan ichimliklar eshik tokchasiga joylashtirilishi mumkin. Bu yerda haroratning maksimal o‘zgarishi sodir bo‘ladi, biroq kola kabi gazlangan ichimliklarga bu ta’sir qilmaydi, shuning uchun ular juda uzoq vaqt davomida saqlanishi mumkin.
Muzlatkichga hech qachon issiq ovqatni qo‘ymang. Ularni xona haroratiga qadar sovutib, keyin muzlatkichga qo‘ying.
Yuqoridagi maslahatlarga amal qilish orqali nafaqat oziq-ovqat va ichimliklaringizni uzoqroq vaqt davomida yangi saqlashingiz mumkin, balki muzlatkichingiz, uning kompressorining samarali, muammosiz ishlashini ham ta’minlagan bo‘lasiz. Muzlatkichni muntazam tozalash ham muhim ish ekanini unutmang.
Mavzuga doir:
- Nima uchun tuxumni muzlatkich eshigida saqlash mumkin emas?
- Muzlatkichda saqlash tavsiya etilmaydigan 10 ta mahsulot.
- O‘zingiz ham qila olasiz: muzlatkichda yuzaga kelgan ayrim muammolarni bartaraf etamiz (video).
- Faqat oziq-ovqat mahsulotlari emas: muzlatkichda saqlash tavsiya etiladigan 7 ta buyum.
Izoh (0)