Офисга бораётганда, сайр қилаётганда ёки шаҳар бўйлаб оддий юмушларни бажараётганда ҳам, иссиқ кийим кийиб, чиройли кўринишга эга бўлишни истасангиз, гардеробингиз учун айрим кийимларни харид қилишингиз керак. Кийимлар мавсумга ва урфга мос бўлиши керак. Лиса нашри ҳар бир аёлнинг қишки гардеробида бўлиши тавсия қилинадиган кийимлар рўйхатини тақдим этди.
Тўқилган свитер (водолазка)
Бўйинли тўқилган свитер — қиш мавсумида кийиладиган универсал кийимлардан бири ҳисобланади. Уни кўйлак, пальто остидан ёки якка миди-юбка билан кийиш мумкин.
Ёрқин рангга эга кардиган
Агар сиз нейтрал рангларни ёқтирсангиз, қалин либослар масаласида ёрқин рангларни танлаганингиз маъқул. Ташқи кўринишингизни яхшилаш учун яшил, бинафша ёки сариқ рангларни синаб кўринг. Кардиганни кўча услуби учун ҳам ишлатишингиз мумкин: уни ечиб, шарф каби пальто устидан боғланг.
Бўйинли кўйлак
Қиш фаслида ҳам кўйлаклардан воз кечмаслик керак. Ҳар томонлама қулай ва замонавий образларни яратишга ёрдам берадиган чиройли, бўйинли либослар ҳам бу борада яхши танлов бўла олади.
Кенг жинси шимлар
Бу йилнинг энг долзарб услубларидан бири кенг жинси шимлар бўлди. Шимларнинг ўзига хослиги шундаки, улар қоматга мослашиб, қулай силуэт яратади.
Спорт услубидаги қалин кийим
Спорт услубидаги қалин кийимнинг қисмларини ажратиб, алоҳида кийиш мумкин. Ушбу қалин спорт кийимларини жинси, юбка, шунингдек, свитер билан ҳам кийишингиз мумкин. Кийимларнинг нейтрал рангини танлашга ҳаракат қилинг.
Клечаткали рубашка
Клечаткали рубашкани йил давомида кийса бўлади. Қишда эса қалин бўлган, рангга эга бўлмаган клечаткали рубашкани жинси ва қалин шимлар билан кийиш мақсадга мувофиқ.
Классик услубдаги жигарранг пальто
Классик услубдаги пальтони кўп йиллар давомида кийишингиз мумкин. Бу пальтони 6 ой: октябрь ойидан бошлаб апрелгача кийса бўлади. Пальтони жигарранг ёки қаймоқрангдаги турларини танланг.
Оддий пар куртка (пуховик)
Қиш фаслида оддий пар куртка (пуховик) яхши танлов ҳисонбланади. Пуховикни бошқа кўйлакларингизга ҳам мос келадиган рангини танланг. Кўпинча қора, кул ранг ёки қаймоқрангдаги пуховиклар урфга мос бўлади.
Шнурли ботинка
Қишда оёқ кийим учта вазифани бажариши: оёқларингизни иссиқ тутиши, сирғалмаслиги, шираларга бардош бериши керак. Оёқ тагликлари ва замонавий боғичлари бўлган этиклар сизга ёрдам беради.
Кигиз этиклар
Кигиз этиклар оёқларни иссиқ сақлайди. Уларни ўзингизга ёққан ҳар қандай кийимлар билан кийишингиз мумкин.
Мавзуга доир:
Изоҳ (0)