Тошкент шаҳар, Янги ҳаёт тумани, «Тошкент» маҳалласидаги ер майдони ижараси кимошди савдосида сотилди. Маълумотлар «E-auksion» порталида эълон қилинган.
Лот аукционга Давлат активларини бошқариш агентлиги томонидан жойлаштирилган эди. Ерга бўлган ҳуқуқ тури иажара бўлиб, унинг муддати — 49 йил. Ер участкасининг умумий майдони — 18,9 гектар.
Аукционга қўйилган ер майдони ва бинонинг бошланғич баҳоси 84,8 млрд сўм эди. 15 декабрь куни бўлиб ўтган савдода у 89,1 млрд сўмга сотилди.
Кимошди савдосининг ғолиби сифатида «Айсел Иншаат» қўшма корхонаси кўрсатилган. Компания «Айсел-Energy» савдо белгиси остида фаолият олиб боради.
Аввалроқ Тошкент шаҳридаги 1 гектар ер қарийб 50 млрд сўмга сотилгани ҳақида хабар берилган эди.
Изоҳ (0)