Janubiy Koreya O‘zbekiston raqamli iqtisodiyoti uchun 330 ming dollar ajratadi. Bu haqda Axborot texnologiyalari va kommunikatsiyalarini rivojlantirish vazirligi xabar bermoqda.
Axborot texnologiyalari va kommunikatsiyalarini rivojlantirish vazirining o‘rinbosari Jamshid Egamberdiyev boshchiligidagi delegatsiya a’zolari Janubiy Koreya Respublikasida xizmat safarida bo‘ldi.
AKT vazirligidan iborat delegatsiya a’zolari Koreya Davlat boshqaruvi va xavfsizlik vazirligiga tashrif buyurib, ushbu vazirlik rahbariyati bilan rasmiy uchrashuv o‘tkazdi.
Tashrif davomida Koreya Davlat boshqaruvi va xavfsizlik vaziri o‘rinbosari Xan Chang Sob bilan uchrashuv bo‘lib o‘tdi.
Uchrashuv natijasiga ko‘ra, “Elektron hukumat va raqamli iqtisodiyot sohasida hamkorlik qilish bo‘yicha O‘zbekiston—Koreya ekspertlar guruhi faoliyatini tashkil etish” loyihasini davom ettirish bo‘yicha anglashuv memorandumini imzolandi.
Loyiha doirasida 2020—2022-yillar uchun 1 mln dollar mablag‘ ajratilgan edi.
Ushbu loyihani davom ettirish maqsadida Koreya tomoni bilan 2023-yilda O‘zbekistonda raqamli iqtisodiyot va elektron hukumatni rivojlantirish maqsadida loyiha qiymati 330 ming dollar miqdorida mablag‘ ajratish bo‘yicha kelishuvga erishildi.
Mavzuga doir: OTB O‘zbekistonda oziq-ovqat xavfsizligini ta’minlash uchun 500 mln dollar ajratadi
Izoh (0)