O‘zbekistonlik yakkakurashchi Saidyoqub Qahramonov 18-dekabr tongida UFC’dagi 3-jangini o‘tkazadi

O‘zbekiston vaqti bilan 18-dekabr tongida AQSHning Las-Vegas shahrida UFC musobaqasi bo‘lib o‘tadi.

UFC Vegas 66 musobaqasining asosiy jangi o‘rta vazn toifasi vakillari Jared Kannonye va Shon Striklend o‘rtasida kechadi.

Mazkur musobaqada o‘zbekistonlik yakkakurashchi Saidyoqub Qahramonov ham oktagonga chiqadi. Unga rossiyalik tajribali jangchi Said Nurmagomedov raqib bo‘ladi.

UFC Vegas 66 turniri O‘zbekiston vaqti bilan 02:00 da start oladi. Qahramonovning jangi taxminan 03:15 dan so‘ng o‘tkaziladi. Asosiy kard janglari esa 05:00 dan boshlanadi. Mazkur musobaqa O‘zbekiston telekanallari orqali efirga uzatilmaydi.

Asosiy kard

• Jared Kannonye — Shon Striklend
• Arman Saryukan — Damir Ismagulov
• Amir Albazi — Alessandro Kosta
• Aleks Kaseres — Julian Erosa
• Dryu Dober — Bobbi Grin
• Kodi Brandeyj — Mixal Olekseychuk

Prelim kard

• Sheyanni Vlismas — Kori Makkenna
• Keyk Mettyuz — Mettyu Semelsberger
• Said Nurmagomedov — Saidyoqub Qahramonov
• Rafa Garsiya — Maheshat Haysayer
• Brayan Battl — Rinat Faxretdinov
• David Dvorak — Manel Keype
• Sergey Morozov — Jurni Nyuson

Saidyoqub promoushendagi so‘nggi jangini iyul oyida o‘tkazib, unda Ronni Lourensni mag‘lubiyatga uchratgandi. Unga qadar Qahramonov UFC’dagi debyut jangini Guam vakili Trevin Jonsga qarshi o‘tkazib, raqibini bo‘g‘ish usuli bilan mag‘lub etgandi.

Mavzuga doir: “Ular men uchun dushman. Daraja borasida Nurmagomedovdan ustunman”. Saidyoqub Qahramonov UFC’dagi 3-jangi oldidan intervyu berdi