Karim Benzema Fransiya terma jamoasi bazasini bosh murabbiy qaroriga ko‘ra tark etgan

Fransiya terma jamoasi hujumchisi Karim Benzema bosh murabbiy Didye Deshamning unga munosabatidan norozi.

Libertad Digital nashrining xabariga ko‘ra, “Real” a’zosi JCH—2022 startidan bir necha kun oldin jarohat olganiga qaramasdan terma jamoa bazasini tark etish istagida bo‘lmagan.

Madrid klubidagilar Benzemaning tuzalishi uchun uch kun kifoya qilganini aytib o‘tgan, hatto u 15-dekabrda “Leganes”ga qarshi o‘rtoqlik o‘yinida ham ishtirok etgan. Klub vakillarining so‘zlariga ko‘ra, Karim hech qanday jismoniy muammolarni his qilmagan.

34 yoshli hujumchi Desham unga “Afsus, Karim, ketishingga to‘g‘ri keladi”, deganini ta’kidladi. Futbolchi o‘zini Fransiya terma jamoasining bosh murabbiyiga keraksizdek his qilgan.

Fransiya terma jamoasi JCH—2022 finalida Argentinaga qarshi bahs olib boradi.