Superliganing formati 2023-yilda ham o‘zgarishsiz qoladi

PFL Ijroiya qo‘mitasining navbatdagi yig‘ilishi 16-dekabr, juma kuni bo‘lib o‘tdi.

Yig‘ilishda Superliga formati masalasi muhokama qilindi.

Superliganing taklif qilingan yangi formati 7 ta klubni qanoatlantirgan va yana 7 klub unga qarshi ovoz bergandi. Qiziq tarafi shundaki, Superligada o‘yinlar soni kam ekanligiga to‘xtalgan uch yetakchi klubning barchasi turlar sonining 26 tadan 31 taga yetkazilishiga qarshi ovoz berdi. “OKMK” esa aksincha, formatni qo‘llab-quvvatladi va hatto o‘yinlar sonini umumiy 36 taga etkazish taklifini berdi.

Ovoz berishda variantlardan hech birida yaqqol ustunlik sezilmagani uchun PFL Ijroiya qo‘mitasi formatni eski holida qoldirish variantini ma’qul deb topdi. Demak, 2023 yilgi mavsumida ham 14 ta klub g‘oliblik uchun kurash olib boradi. Barcha klub 13 ta uy va 13 ta safar uchrashuvida ishtirok etadi.

PFL Ijroiya qo‘mitasi bayonoti