Serbiya NATOning KFOR missiyasi qo‘mondonligiga Kosovo va Metoxiyaga cheklangan armiya va politsiya kontingentini yuborish so‘rovini yubordi. Bu haqda mahalliy RTS teleradiosi xabar berdi.
Hukumat qisman tan olingan Kosovoga mingga yaqin xavfsizlik xodimini kiritishi kutmoqda. Bu BMT Xavfsizlik kengashining 1244-rezolyutsiyasiga muvofiq amalga oshirish rejalashtirilgan. Serbiya prezidenti Aleksandr Vuchich avvalroq NATOga murojaat qilish rejasini e’lon qilgandi. U mazkur so‘rov rad etilishi mumkinligini ham qayd etgan.
Kosovo va Metoxiyadagi keskinlik davom etmoqda. Qisman tan olingan respublika politsiyasi Serbiyaning markaziy qismiga chiqishdagi “Yarine” va “Brnyak” nazorat-o‘tkazish punktlari noma’lum muddatga yopgan. Kosovo shimolidagi yo‘lda yuzlab etnik serblar barrikadalar o‘rnatib, Serbiya yo‘nalishidagi ikki yirik chegara o‘tkazish punkti orqali harakatlanishni to‘xtatib qo‘ygan.
Kosovoda 120 mingga yaqin serblar bor, qisman tan olingan respublikaning 1,8 millionga yaqin aholisining katta qismi etnik albanlar. Shu bilan birga, Shimoliy Kosovoda (Serbiya avtonom viloyati) aholining aksariyati serblardir.
KFOR — NATO boshchiligidagi xalqaro kuch bo‘lib, Kosovoda barqarorlikni saqlashga mas’uldir. KFOR kuchlari BMT xavfsizlik kengashining 1244-rezolyutsiyasiga muvofiq tuzilgan va 1999-yil 12-iyunda Kosovoga kiritilgan.
14-dekabrda Kosovo prezidenti Yevropa Ittifoqiga qo‘shilishi haqidagi arizani imzolagandi, Serbiya prezidenti bu tomonlar o‘rtasidagi kelishuvga zid ekanini ta‘kidlagan. 15-dekabrda esa Kosovo tegishli hujjatni YIga topshirilgan.
Izoh (0)