Turkmanistonning ko‘plab fuqarolari chiptalar qimmatligi tufayli Rossiyadan O‘zbekiston orqali uyiga qaytishni afzal ko‘rmoqda. Bu haqda Turkmennews xabar berdi.
Rossiyaning S7 kompaniyasi Moskvadan Turkmanboshiga haftasiga ikki marta uchadi. Chiptalar 20-30 ming rubl (310-470 dollar) turadi, bu mavjud yagona to‘g‘ridan to‘g‘ri reys hisoblanadi. Turkmaniston aviatashuvchisining chiptalari na agregator xizmatlarida, na rasmiy veb-saytda mavjud. Aviakompaniyaning Ashxoboddagi markaziy kassasi Rossiyadan Turkmanistonga chipta sotmasligini aytgan.
Noma’lum sabablarga ko‘ra biletni faqat Rossiyada sotib olish mumkin. Aviakompaniyaning Moskvadagi Domodedovo aeroportidagi ofisi yanvar oyiga bir tomonlama chipta narxi taxminan 30 ming rubl (466 dollar) bo‘lishini ma’lum qilgan.
Taqqoslash uchun, O‘zbekistonning Urganch shahriga Moskvadan 2022-yil dekabrida 13446 ming rubl (209 dollar), 2023-yilning yanvarida – 8441 rubl (131 dollari) ga uchish mumkin. Agar hozir fevral oyiga chipta buyurtma qilinsa, narxi 6718 rubl (104 dollar)ga tushadi. Buxoroga chiptalar narxi 9 mingdan 19 minggacha (139-295 dollar) baholangan. Urganch va Buxorodan Turkmanistonga taksi bilan borish mumkin. Bu yo‘lovchilarga ancha arzonga tushishi mumkin.
“Narxlar bilan tanishgan Turkmaniston fuqarolarining ko‘pchiligi O‘zbekiston orqali uylariga borishni afzal ko‘rishsa ajab emas”, deyiladi xabarda.
Ashxoboddan Moskvaga bir tomonlama chipta narxi 6682 manat, bozor kursi bo‘yicha taxminan 350 dollar. Turkmanistonda bu uchta o‘rtacha ish haqiga tengdir.
Izoh (0)