Kosovo prezidenti Vyosa Osmani, bosh vazir Albin Kurti va parlament spikeri Glauk Konyufsa qisman tan olingan respublikaning Yevropa Ittifoqiga qo‘shilishi haqidagi arizani imzoladi. Bu haqda mahalliy RTK telekanali xabar berdi.
Serbiya prezidenti Aleksandr Vuchich Kosovoning arizasi ikki tomon o'rtasidagi kelishuvlarni to‘g‘ridan to‘g‘ri buzishidan ogohlantirgandi.
“Bugun biz mamlakatimizni Yevropa Ittifoqiga bir qadam yaqinlashtirish uchun birlashdik. Bu bilan Yevropa Ittifoqi ham erkin va tinch Yevropa loyihasini amalga oshirishga bir qadam yaqinlashdi. Kosovo va uning fuqarolari uchun hech qachon bundan boshqa muqobili bo‘lmagan”, — deydi Osmani.
Qisman tan olingan Kosovo prezidenti Yevropa Ittifoqiga qo‘shilish jarayoni “silliq bo‘lmasligi” va uzoq vaqt talab qilishi mumkinligi haqida ogohlantirdi.
Avvalroq Serbiya prezidenti Aleksandr Vuchich mintaqadagi yangi keskinlashuv fonida Kosovoning YIga a’zo bo‘lish uchun ariza berish niyati Vashington 2020 kelishuvini buzishini ma’lum qilgandi.
Kosovo bosh vazirining Yevropa integratsiyasi uchun mas‘ul birinchi o‘rinbosari Besnik Bislimining aytishicha, tan olinmagan resspublika taxminan 2030-yilga kelib YIga kirishga tayyor bo'lishi mumkin. Shu bilan birga, Yevropa Ittifoqining beshta davlati (Kipr, Gretsiya, Ruminiya, Slovakiya va Ispaniya) Kosovo mustaqilligini haligacha tan olmayapti.
Mavzuga doir:
Izoh (0)