BMT Bosh assambleyasi “vaqtinchalik bosib olingan Qrim avtonom respublikasi va Sevastopol shahrida inson huquqlari ahvoli” nomli yangilangan rezolyutsiyani qabul qildi. Bu haqda “Ukrinform” xabar berdi.
Hujjatning yangi tahririda Rossiyaning Ukrainaga bostirib kirishi hisobga olingan. Rezolyutsiyani 82 davlat qo‘llab-quvvatlagan, yana 80 davlat betaraf qolgan. 14 davlat yangilangan rezolyutsiyaga qarshi ovoz bergan. Bular Belarus, Xitoy, Kuba, Shimoliy Koreya, Eritreya, Efiopiya, Eron, Qozog‘iston, Mali, Nikaragua, Rossiya, Sudan, Suriya va Zimbabve. O‘zbekiston ovoz berish jarayonida ishtirok etmagan.
Hujjatda Rossiyaning Qrimdan Ukrainaga qarshi tajovuz va Xerson, Zaporojye viloyatlarini noqonuniy anneksiya qilish maqsadida foydalanishi qoralangan. Bundan tashqari, rezolyutsiyada “Ukraina va ukrainaliklarga nisbatan nafratni qo‘zg‘atish, Rossiyaning Ukrainaga qarshi hujumini oqlaydigan dezinformatsiyaning ta’lim tizimi orqali tarqatilishi” tanqid qilingan.
Shu bilan birga, Qrimning bosib olinishi Rossiya kuchlarining vaqtinchalik nazorati ostida bo‘lgan Ukrainaning boshqa hududlarida ham inson huquqlari sohasida jiddiy inqiroz yuzaga kelishiga asos bo‘lgani qayd etiladi.
Mavzuga doir:
Izoh (0)