Ko‘pchilik «UzAuto Motors» kompaniyasi IPOsi haqidagi reklamani ko‘rgan, lekin bu nima ekani va unda qanday ishtirok etishni hamma ham bilmaydi.
Biz IPO nimaligini sodda tilda tushuntirishga harakat qilamiz hamda Jett investisiya servisi yordamida qanday qilib brokerlik hisobvarag‘ini 15 daqiqada ochish, IPOda ishtirok etishga ariza berish va «UzAuto Motors» aksiyadoriga aylanish mumkinligi haqida so‘zlab beramiz.
Natijada bu kompaniya foydasidan dividendlar olish va aksiyalar narxi o‘sganda, ularni sotishdan daromad topish imkonini beradi.
IPO nima?
Initial Public Offering (IPO) – kompaniya o‘z aksiyalarini ilk bor barcha xohlovchilar uchun ochiq savdoga qo‘yishi. IPO doirasida kompaniyaning yirik egasi o‘z ulushini xususiy investorlar uchun bozorga chiqaradi.
"UzAuto Motors" holatida davlat kompaniyaning 5 foizgacha bo‘lgan ulushini barcha xohlovchilarga uning baholangan qiymatidan 10-20 foizlik "chegirma" bilan sotmoqda (IPOni tashkil etgan anderrayter “Freedom Broker” ma’lumotlariga ko‘ra). Agar siz kompaniyaning bir qismiga va tegishli ravishda uning foydasiga egalik qilishni istasangiz, bu siz uchun yaxshi imkoniyat.
“Alkes Research” tahlilchilarining hisob-kitoblariga ko‘ra, «UzAuto Motors» aksiyalariga investisiya kiritishdan olinadigan daromad dividendlarni qo‘shib hisoblaganda IPOdagi eng kam narxning 35 foizidan ortiq bo‘lishi kutilmoqda. Kompaniyaning moliyaviy ko‘rsatkichlari va IPOni o‘tkazish shartlari haqida batafsil ma’lumotni quyidagi havola orqali olish mumkin.
Brokerlik hisobvarag‘i nima va nima uchun kerak?
Brokerlik hisobvarag‘i bu — birjada qimmatli qog‘ozlar bilan savdo qilish uchun maxsus hisobraqam. U qimmatli qog‘ozlar bozorining professional ishtirokchisi – brokerda ochiladi. Broker xususiy investor va birja o‘rtasida vositachi vazifasini bajaradi. Qonunchilikka ko‘ra, oddiy odam bevosita birjada amaliyotlarni bajara olmaydi, shu sababli u brokerga topshiriqlar beradi, u esa mijoz nomidan moliyaviy aktivlarni sotib oladi yoki sotadi. Ushbu aktivlarning hisobini yuritish uchun ham brokerlik hisobvarag‘i kerak bo‘ladi.
Brokerlik hisobvarag‘ini qanday ochish mumkin?
Jett investisiya servisi hisobvaraqni onlayn tarzda, smartfonda bir nechta oddiy amalni bajarish orqali ochish imkoniyatini taqdim etadi:
1. Multicard ilovasini yuklab oling va "Investisiyalar" (Jett) bo‘limiga o‘ting.
2. Identifikasiya jarayonidan o‘tib, hisobvaraqni ochishga ariza yo‘llang. Sizning hisobvarag‘ingiz birjaning ish vaqti davomida (haftaning ish kunlari soat 9:30 dan 16:00 gacha) 15 daqiqa ichida ochiladi, bu haqda sizga xabarnoma keladi.Jett O‘zbekiston Respublikasi qonunchiligiga muvofiq faoliyat yuritadi, brokerlik hisobvarag‘i «Alkes Research» investisiya vositachisida ochiladi.
Jett orqali qanday qilib IPOda ishtirok etish mumkin?
"UzAuto Motors" IPOsida ishtirok etish uchun brokerga tegishli topshiriqni 22 dekabrga (arizalarni qabul qilish to‘xtatiladigan kun) qadar berishingiz kerak. Jett'da bu juda oson:
- ilovada brokerlik hisobvarag‘ini bank kartangizdan (Uzcard yoki Humo) mablag‘ bilan to‘ldiring;- «IPO» bo‘limiga o‘ting hamda xarid qilish niyatingiz bo‘lgan aksiyalar qiymati va miqdorini ko‘rsatib, ariza bering.
Marhamat, endi siz – "UzAuto Motors"ning bo‘lajak egasi. Endi IPO natijalari e’lon qilinadigan 27 dekabr kunigacha kutib turish qoldi. Shundan so‘ng aksiyalar sizning investisiya portfelingizda paydo bo‘ladi.
Jett yana nimalarga qodir?
Jett fond bozoridagi birinchi fintex-startap bo‘lib, Semurg VC va AloqaVentures venchur fondlari tomonidan moliyalashtirilgan. Servis faoliyatini boshlaganidan buyon unda 550 dan ziyod investor o‘z hisobvaraqlarini ochdi hamda jami qariyb 0,5 mlrd so‘mlik 3 750 dan ortiq bitimni amalga oshirdi.
Jett servisi "Toshkent" fond birjasi platformasi bilan integrasiya qilingan va quyidagi imkoniyatlarni taqdim etadi:
- brokerlik hisobvarag‘ini onlayn tarzda ochish;
- mablag‘ bilan onlayn to‘ldirish va ularni chiqarish;
- qimmatli qog‘ozlar kotirovkalarini grafik ko‘rinishda kuzatib borish (shu jumladan «TradingView» professional instrumentlari yordamida);
- real vaqt rejimida "birja stakanini" (talab va taklifni) ko‘rib borish;
- ilova orqali aksiyalar va obligasiyalarni sotib olish va sotish;
- portfel va daromadlilikni tahlil qilish.
Sayt: www.jett.uz
Facebook: fb.com/jett.uzb
Instagram: instagram.com/jett.uz
Telegramdagi kanal: https://t.me/jett_uz
Jett investorlar klubi: https://t.me/jett_uz_club
Reklama
Izoh (0)