Shavkat Mirziyoyev 13-dekabr kuni Uchtepa tumaniga tashrif buyurib, oldindan tayyorlangan ko‘chalarga emas, boshqa ko‘chalarga kirgani, ahvol qoniqarli emasligi xabar qilingandi. Tanqidlardan so‘ng mas’ullar tezkorlik bilan zarur choralarni ko‘rmoqda, deb xabar berdi Uy-joy kommunal xizmat ko‘rsatish vazirligi.
Ta’kidlanishicha, prezidentning Uchtepa tumanidagi ko‘p qavatli uylar, xususan, “Shirin” mahallasi 26-uyga tashrifi davomida kirish yo‘laklarini muzlamalardan tozalash, aholiga xavfsiz va qulay sharoitlarni yaratish bo‘yicha bildirgan e’tiroz va tanbehi yuzasidan mas’ullar tezkor choralar ko‘rmoqda.
Muz qoplamalarini eritish va uy atrofini tozalash ishlari amalga oshirilmoqda.
Shuningdek, respublika miqyosida barcha boshqaruv tashkilotlariga ko‘p qavatli uylarning kirish yo‘laklarini qor va muzlardan tozalash, uy atrofining ozodaligiga e’tibor qaratish hamda aholiga munosib xizmat ko‘rsatish bo‘yicha tezkor topshiriqlar berildi.
Izoh (1)
Uy egalarini qōli singanmi nima uchun ularni uyini ostonasini birov tozalab berishi kerak