Кўпчилик «UzAuto Motors» компанияси IPOси ҳақидаги рекламани кўрган, лекин бу нима экани ва унда қандай иштирок этишни ҳамма ҳам билмайди.
Биз IPO нималигини содда тилда тушунтиришга ҳаракат қиламиз ҳамда Жетт инвестисия сервиси ёрдамида қандай қилиб брокерлик ҳисобварағини 15 дақиқада очиш, IPOда иштирок этишга ариза бериш ва «UzAuto Motors» акциядорига айланиш мумкинлиги ҳақида сўзлаб берамиз.
Натижада бу компания фойдасидан дивидендлар олиш ва акциялар нархи ўсганда, уларни сотишдан даромад топиш имконини беради.
IPO нима?
Initial Public Offering (IPO) – компания ўз акцияларини илк бор барча хоҳловчилар учун очиқ савдога қўйиши. IPO доирасида компаниянинг йирик эгаси ўз улушини хусусий инвесторлар учун бозорга чиқаради.
"UzAuto Motors" ҳолатида давлат компаниянинг 5 фоизгача бўлган улушини барча хоҳловчиларга унинг баҳоланган қийматидан 10-20 фоизлик "чегирма" билан сотмоқда (IPOни ташкил этган андеррайтер «Freedom Broker» маълумотларига кўра). Агар сиз компаниянинг бир қисмига ва тегишли равишда унинг фойдасига эгалик қилишни истасангиз, бу сиз учун яхши имконият.
«Alkes Research» таҳлилчиларининг ҳисоб-китобларига кўра, «UzAuto Motors» акцияларига инвестисия киритишдан олинадиган даромад дивидендларни қўшиб ҳисоблаганда IPOдаги энг кам нархнинг 35 фоизидан ортиқ бўлиши кутилмоқда. Компаниянинг молиявий кўрсаткичлари ва IPOни ўтказиш шартлари ҳақида батафсил маълумотни қуйидаги ҳавола орқали олиш мумкин.
Брокерлик ҳисобварағи нима ва нима учун керак?
Брокерлик ҳисобварағи бу — биржада қимматли қоғозлар билан савдо қилиш учун махсус ҳисобрақам. У қимматли қоғозлар бозорининг профессионал иштирокчиси – брокерда очилади. Брокер хусусий инвестор ва биржа ўртасида воситачи вазифасини бажаради. Қонунчиликка кўра, оддий одам бевосита биржада амалиётларни бажара олмайди, шу сабабли у брокерга топшириқлар беради, у эса мижоз номидан молиявий активларни сотиб олади ёки сотади. Ушбу активларнинг ҳисобини юритиш учун ҳам брокерлик ҳисобварағи керак бўлади.
Брокерлик ҳисобварағини қандай очиш мумкин?
Jett инвестисия сервиси ҳисобварақни онлайн тарзда, смартфонда бир нечта оддий амални бажариш орқали очиш имкониятини тақдим этади:
1. Multicarд иловасини юклаб олинг ва "Инвестициялар" (Jett) бўлимига ўтинг.
2. Идентификасия жараёнидан ўтиб, ҳисобварақни очишга ариза йўлланг. Сизнинг ҳисобварағингиз биржанинг иш вақти давомида (ҳафтанинг иш кунлари соат 9:30 дан 16:00 гача) 15 дақиқа ичида очилади, бу ҳақда сизга хабарнома келади.Жетт Ўзбекистон Республикаси қонунчилигига мувофиқ фаолият юритади, брокерлик ҳисобварағи «Алкес Research» инвестисия воситачисида очилади.
Жетт орқали қандай қилиб IPOда иштирок этиш мумкин?
"UzAuto Motors" IPOсида иштирок этиш учун брокерга тегишли топшириқни 22 декабрга (аризаларни қабул қилиш тўхтатиладиган кун) қадар беришингиз керак. Jett'да бу жуда осон:
- иловада брокерлик ҳисобварағини банк картангиздан (Uzcard ёки Humo) маблағ билан тўлдиринг;- «IPO» бўлимига ўтинг ҳамда харид қилиш ниятингиз бўлган акциялар қиймати ва миқдорини кўрсатиб, ариза беринг.
Марҳамат, энди сиз – "UzAuto Motors"нинг бўлажак эгаси. Энди IPO натижалари эълон қилинадиган 27 декабрь кунигача кутиб туриш қолди. Шундан сўнг акциялар сизнинг инвестисия портфелингизда пайдо бўлади.
Jett яна нималарга қодир?
Jett фонд бозоридаги биринчи fintex-стартап бўлиб, Semurg VC ва AloqaVentures венчур фондлари томонидан молиялаштирилган. Сервис фаолиятини бошлаганидан буён унда 550 дан зиёд инвестор ўз ҳисобварақларини очди ҳамда жами қарийб 0,5 млрд сўмлик 3 750 дан ортиқ битимни амалга оширди.
Jett сервиси "Тошкент" фонд биржаси платформаси билан интеграсия қилинган ва қуйидаги имкониятларни тақдим этади:
- брокерлик ҳисобварағини онлайн тарзда очиш;
- маблағ билан онлайн тўлдириш ва уларни чиқариш;- қимматли қоғозлар котировкаларини график кўринишда кузатиб бориш (шу жумладан «TradingView» профессионал инструментлари ёрдамида);
- реал вақт режимида "биржа стаканини" (талаб ва таклифни) кўриб бориш;
- илова орқали акциялар ва облигасияларни сотиб олиш ва сотиш;
- портфел ва даромадлиликни таҳлил қилиш.
Сайт: www.jett.uz
Facebook: fb.com/jett.uzb
Instagram: instagram.com/jett.uz
Telegramдаги канал: https://t.me/jett_uz
Jett инвесторлар клуби: https://t.me/jett_uz_club
Изоҳ (0)