Samarqand viloyatining Toyloq tumanidagi “Bog‘izag‘on” podstansiyasida yong‘in yuzaga keldi. Bu haqda Energetika vazirligi xabar berdi.
Natijada tumanning ayrim hududlarida elektr ta’minotida uzilishlar kuzatilmoqda.
Bugun, soat 20:18 da Toyloq tumanidagi “Bog‘izag‘on” podstansiyasidagi transformatorda yong‘in yuzaga kelgan. Buning natijasida tumanning ayrim hududlarida elektr ta’minotida uzilish kuzatilmoqda. Hozirda mutaxassislar tomonidan ushbu nosozlikni bartaraf etish ishlari olib borilmoqda. Ta’mirlash ishlari yakunlangandan so‘ng elektr ta’minoti qayta tiklanadi, — deyiladi vazirlik axborotida.Avvalroq Prezident administratsiyasi rahbari Sardor Umurzoqov rahbarligida aholi va iqtisodiyot tarmoqlarini energiya resurslari bilan mutanosib ta’minlash masalalari bo‘yicha yig‘ilish bo‘lib o‘tgani, unda gaz va elektr muammosi bo‘yicha qonunbuzilishiga yo‘l qo‘ygan ayrim rahbarlar qamoqqa olingani aytilgani xabar berilgandi.
Izoh (0)