Qo‘rg‘ontepalik talabalar Andijondagi oliygohlarga qatnashi uchun 11-dekabr kuni bepul avtobus yo‘lga qo‘yildi. Bu haqda Qo‘rg‘ontepa tumani hokimligi matbuot xizmati xabar berdi.
Qayd etilishicha, talabalar Andijondagi oliygohlarga bepul eltib qo‘yiladi va uylariga bepul olib kelinadi. Ushbu tashabbus ta’lim olayotgan yoshlarning qish mavsumidagi yo‘l qatnovida yuzaga kelgan turli noqulayliklarini bartaraf etish maqsadida Qo‘rg‘ontepa tumani hokimligi hamda tumandagi faol fermer va tadbirkorlar tomonidan amalga oshirilmoqda.
Talabalar uchun Qo‘rg‘ontepaning 8 ta hududiga (Markaz, Qo‘rg‘ontepa, Qorasuv, Sultonobod, Dardoq, Chimyon, Qo‘shtepa, Savoy qishloqlariga) jami 11 ta avtobuslar yuboriladi.
Talabalar yakshanba kuni o‘zlari yashovchi hududlaridan avtobusga o‘tiradi va o‘qish joyiga qadar eltib qo‘yiladil. Shanba kuni esa, o‘qish joylari oldidan uylariga qadar olib kelinadi. Buning uchun tuman hokimligi maxsus chipta joriy qildi.
Izoh (0)