World economic forum nashri global energiya muammolari haqida hisobot e’lon qildi. Unda dunyo mamlakatlari duch kelayotgan energiya muammolari va ularni bartaraf etish uchun amalga oshirilayotgan choralar haqida so‘z yuritiladi.
Nashr yozishicha, Ispaniyaning Cepsa neft kompaniyasi mamlakat janubidagi Andalusiyada amalga oshiriladigan yashil vodorod loyihasiga 3,1 milliard dollar sarmoya kiritmoqchi. Yashil vodorod yoki qayta tiklanadigan energiyadan ishlab chiqarilgan vodorod og‘ir transportni karbonsizlantirish uchun yechim sifatida ko‘rib chiqilmoqda.
Finlyandiya energetika idorasi esa mamlakatda mahalliy ishlab chiqarish va xorijdan import qilishdagi noaniqliklar tufayli elektr energiyasida qisqa uzilishlar xavfi ortganini ma’lum qilgan. Bundan tashqari milliy tarmoq operatori Fingrid yangi Olkiluoto 3 atom energetikasi reaktorining ishga tushirilish sanasi noma’lumligi sabab bu qishda elektr energiyasidagi ehtimoliy uzilishlari haqida ogohlantirgan.
Ayni paytda, Fransiyada ham ta’minotning yetarli darajada emasligi qishda elektr energiyasining uzilishiga olib kelishi mumkin. “Vaziyat xavf-xatarlarni keltirib chiqaradi, ammo elektr uzilishi muqarrar degan xavotirga bormaslik kerak”, — dedi fransuz energiya regulyatori RTE rahbari Ksaver Pechachik.
Britaniyaning British Gas kompaniyasi joriy yilning qish mavsumida energiyani qisqartirish rejasini ishga tushirmoqda, unga ko‘ra, mijozlar odatdagi iste’moliga nisbatan tejagan elektr energiyasining har bir birligi uchun haq oladi. “Peak Save” deb nomlangan reja 2022-yil dekabridan 2023-yilning martigacha amal qiladi va qishda mijozlarga 100 funt sterling (119,92 dollar) tejash imkonini beradi, deyiladi British Gas bayonotida.
Quyidagi jadvalda Iqtisodiy hamkorlik va taraqqiyot tashkilotiga a’zo davlatlarda so‘nggi yillarda energiya narxi inflyatsiyasining qanday o‘zgargani aks etgan.
Norvegiya, Daniya va Polshadagi gaz tizimlarini bog‘lovchi, Yevropaning energiya ta’minoti xavfsizligini oshiruvchi Boltiqbo‘yi quvuri 30-noyabr kuni to‘liq quvvatda ishlashga o‘tdi, deb xabar beradi Daniyaning Energinet energetika kompaniyasi.
30-noyabr kuni neft narxi keskin ko‘tarilib, bir barrel uchun 2 dollardan oshib ketdi. Bunga yetkazib berishning qisqarishi, dollar kursining pasayishi va Xitoyda neftga talabning tiklanishiga nekbinlik ko‘rsatilishi kabi omillar sabab bo‘ldi. OPEK+ ning 4-dekabrdagi yig‘ilishida narx oshishini cheklab qo‘yish to‘g‘risida qabul qilingan qaror amalda siyosat o‘zgarishi ehtimoli kamligidan dalolat beradi, dedi Reuters manbalari.
Germaniya va Norvegiya rahbarlari Shimoliy oqim gaz quvurlari tarmog‘iga hujumlar munosabati bilan 30-noyabr kuni NATOdan Yevropaning dengizosti infratuzilmasini himoya qilishni birgalikda muvofiqlashtirishni so‘ragandi.
Yevropa Ittifoqining energetika bo‘yicha rahbari 30-noyabr kuni ittifoqning gaz narxlarini cheklash bo‘yicha taklifini himoya qildi va Yevropa Ittifoqiga a’zo davlatlarning noroziligidan keyin mamlakatlar taklifga o‘zgartirish kiritish bo‘yicha muzokara olib borishini aytdi.
Misr hukumati Birlashgan arab amirliklarining AMEA Power firmasi bilan umumiy quvvati bir gigavattdan (GVt) ortiq bo‘lgan quyosh parki va shamol stansiyasini qurish bo‘yicha 1,1 milliard dollarlik kelishuvni yakunladi.
AQSH shamol energiyasini ishlab chiqarish va uzoq muddat saqlashda soliq imtiyozlarini joriy qildi
AQSHning Inflyatsiyani kamaytirish to‘g‘risidagi qonunida (IRA) energiyani saqlash uchun yangi soliq imtiyozlari energiyani uzoq muddatli saqlash (LDES) biznes modelini kuchaytiradi, bu esa energiya tizimi tarkibidan qazib olinadigan yonilg‘ilarni chiqarib tashlash uchun juda muhim ahamiyatga ega.
IRA shamol va quyosh energiyasini ishlab chiqaruvchilar uchun soliq imtiyozlarini o‘n yilga uzaytiradi, ishlab chiqarishni birinchi marta boshlaydigan kompaniyalar esa energiyani yig‘ish, saqlash va shamol loyihalari uchun investitsiya olishda soliq imtiyozlariga (ITC) ega bo‘lishi mumkin. Ilgari ITC’lar faqat quyosh panellarini saqlash uchun berilardi.
Afrikaning energiyaga o‘tish imkoniyatlarini amalga oshirish uchun ko‘proq mablag‘ kerak
Afrikaning toza yonilg‘i va energiya ishlab chiqarishga o‘tishi barcha qiymat zanjiri bo‘ylab investorlar uchun imkoniyatlar yaratadi, biroq loyihalar ko‘proq to‘g‘ridan to‘g‘ri moliyalashtirishni talab qiladi.
African Rainbow Energy & Power kompaniyasining bosh ijrochi direktori Brayan Damesning ta’kidlashicha, toza energiyaga o‘tish, masalan, Janubiy Afrika respublikasida, katta o‘sish potensialiga ega yangi ishlab chiqarish quvvatlarini ommaviy birlashtirishni anglatadi.
Afrikaning eng sanoati rivojlangan mamlakati JAR bu yil rekord darajadagi elektr uzilishlarni boshdan kechirmoqda, chunki mamlakat ishlab chiqarish quvvatining 70 foizdan ortig‘ini (taxminan 58 000 MVt) tashkil etuvchi beqaror ko‘mir elektr stansiyalari talabni qondirish uchun bor kuchi bilan ishlamoqda.
Qayta tiklanadigan energiya manbalari xalqaro agentligining ma’lumotlariga ko‘ra, 2030-yilga kelib butun dunyo bo‘ylab qayta tiklanadigan energiya manbalaridan 4,5 milliongacha avtonom ish o‘rni yaratilishi mumkin. Ammo toza energetika sektori kelgusi yillarda haqiqiy talantlar yetishmasligidan aziyat chekadi, chunki qayta tiklanadigan energiya tajribasiga ega bo‘lgan ishchilarga talabning tez o‘sishi ta’minot bilan mos kelmaydi.
Izoh (0)