Yevropa Komissiyasi (YK) AQSHning inflyatsiyani pasaytirish to‘g‘risidagi qonuniga javoban Yevropa Ittifoqi iqtisodiyotini qo‘llab-quvvatlash uchun Yevropa suvereniteti jamg‘armasini yaratishga chaqirdi. Bu haqda Yevrokomissiya rahbari Ursula fon der Lyayenga tayanib “TASS” xabar bermoqda.
Men dunyodagi eng yirik uglerod emitenti bo‘lgan AQSH iqtisodiyoti uchun yashil o‘tishni ta’minlaydigan AQSHning “Inflyatsiya darajasini pasaytirish to‘g‘risida”gi qonunini olqishlashim mumkin. Biroq bu akt AQSH kompaniyalari va bizneslari uchun qo‘shimcha imtiyozlarga olib keladi. Shuning uchun Yevropa Ittifoqi o‘z qonunini yaratishi kerak. Yevropa suvereniteti jamg‘armasi Yevropa iqtisodiyotini qo‘llab-quvvatlashga qaratiladi, — deydi u.
Yevrokomissiya rahbari, shuningdek, Yevropa Ittifoqining protektsionistik siyosatini faollashtirishga chaqirdi.
Shuningdek, Ursula fon der Lyayen Yevropa biznesini himoya qilish bo‘yicha asosiy qarorlarni Yevropa Komissiyasiga o‘tkazishni muhim deb hisoblaydi, ular hozirda mamlakatlar milliy hukumatlari vakolatiga kiradi.
Uning so‘zlariga ko‘ra, endilikda Yevropa Ittifoqi mamlakatlarida tadbirkorlik subyektlariga davlat tomonidan yordam ko‘rsatish qoidalarini soddalashtirish va biznesni qo‘llab-quvvatlashda alohida hukumatlai emas, balki butun jamiyat ishtirok etishi uchun shart-sharoitlar yaratish kerak.
Shu bilan birga, u Yevropa Ittifoqi qarama-qarshilikka emas, balki AQSH bilan hamkorlikka intilayotganini ta’kidladi.
Yevropa Ittifoqi va AQSH bir-biridan ko‘ra birga kuchliroq, — deydi u.
Joriy yilning yozida AQSHda qabul qilingan “Inflyatsiyani pasaytirish to‘g‘risida”gi qonunga ko‘ra, elektr transport vositalari, akkumulyatorlar va elektr jihozlarini ishlab chiqaruvchilarga, agar ular Qo‘shma Shtatlarda ishlab chiqarilgan bo‘lsa, subsidiyalar beriladi. Yevropa yetakchilarining fikricha, bu qonun yangi transatlantik tijoriy urushga olib kelishi mumkin.
Izoh (0)