Европа Комиссияси (ЙК) АҚШнинг инфляцияни пасайтириш тўғрисидаги қонунига жавобан Европа Иттифоқи иқтисодиётини қўллаб-қувватлаш учун Европа суверенитети жамғармасини яратишга чақирди. Бу ҳақда Еврокомиссия раҳбари Урсула фон дер Ляйенга таяниб «ТАСС» хабар бермоқда.

Мен дунёдаги энг йирик углерод эмитенти бўлган АҚШ иқтисодиёти учун яшил ўтишни таъминлайдиган АҚШнинг «Инфляция даражасини пасайтириш тўғрисида»ги қонунини олқишлашим мумкин. Бироқ бу акт АҚШ компаниялари ва бизнеслари учун қўшимча имтиёзларга олиб келади. Шунинг учун Европа Иттифоқи ўз қонунини яратиши керак. Европа суверенитети жамғармаси Европа иқтисодиётини қўллаб-қувватлашга қаратилади, — дейди у.

Еврокомиссия раҳбари, шунингдек, Европа Иттифоқининг протекционистик сиёсатини фаоллаштиришга чақирди. 

Шунингдек, Урсула фон дер Ляйен Европа бизнесини ҳимоя қилиш бўйича асосий қарорларни Европа Комиссиясига ўтказишни муҳим деб ҳисоблайди, улар ҳозирда мамлакатлар миллий ҳукуматлари ваколатига киради. 

Унинг сўзларига кўра, эндиликда Европа Иттифоқи мамлакатларида тадбиркорлик субъектларига давлат томонидан ёрдам кўрсатиш қоидаларини соддалаштириш ва бизнесни қўллаб-қувватлашда алоҳида ҳукуматлаи эмас, балки бутун жамият иштирок этиши учун шарт-шароитлар яратиш керак.

Шу билан бирга, у Европа Иттифоқи қарама-қаршиликка эмас, балки АҚШ билан ҳамкорликка интилаётганини таъкидлади. 

Европа Иттифоқи ва АҚШ бир-биридан кўра бирга кучлироқ, — дейди у. 

Жорий йилнинг ёзида АҚШда қабул қилинган «Инфляцияни пасайтириш тўғрисида»ги қонунга кўра, электр транспорт воситалари, аккумуляторлар ва электр жиҳозларини ишлаб чиқарувчиларга, агар улар Қўшма Штатларда ишлаб чиқарилган бўлса, субсидиялар берилади. Европа етакчиларининг фикрича, бу қонун янги трансатлантик тижорий урушга олиб келиши мумкин.