Ukraina mudofaaga so‘nggi 10 yillik umumiy mablag‘dan ko‘ra ko‘proq pul sarflagani aytildi

Urush boshlanganidan buyon umumiy hisobda Ukraina armiyasini moliyalashtirish hukumatga 1,13 trillion grivnaga (30,6 mlrd dollar) tushgan. Bu haqda mamlakat bosh vaziriga tayanib Focus xabar bermoqda.

6-dekabr, seshanba kuni Ukraina hukumati yig‘ilishida bosh vazir Denis Shmixal mamlakatda harbiy holat joriy etilgan davrda hukumat armiya va umuman teskari sektor uchun 1 trillion 130 milliard grivna ajratganini aytdi.

Ukraina himoyachilarining maoshi uchun 770 milliard grivna sarflangan. Harbiy texnika va qurollarni sotib olish, ta’mirlash va modernizatsiya qilish 176,2 milliard grivnaga tushgan. Bu so‘nggi 10 yillikdagi umumiy ko‘rsatkichdan ham ko‘p.

Ukraina armiyasini moliyaviy qo‘llab-quvvatlash va mamlakat xavfsizligi ustuvor jihatlar bo‘lib kelgan va shunday bo‘lib qoladi, — dedi Shmixal.

Unga ko‘ra, barcha budjet mablag‘larining asosiy qismi mudofaa sohasiga yo‘naltirilgan.

Fuqarolar va tadbirkorlik subyektlarining budjetga to‘layotgan barcha soliqlari harbiylarimizni ta’minlashga qaratilgan, — deyiladi xabarda.

Avvalroq Ukrainadagi kambag‘allar soni yil oxirigacha 8 millionga yetishi haqida xabar berilgandi.