Qarshida Cobalt haydovchisi 13 yoshli qizni urib yuborib, voqea joyidan qochib ketdi (video)

Qarshida Cobalt haydovchisi yo‘lni kesib o‘tayotgan qizni urib yuborib, voqea joyidan qochib ketdi. Bu haqda viloyat IIB matbuot xizmati xabar berdi.

5-dekabr kuni soat 20:10 larda viloyat IIB 102 tizimiga tushgan xabarga ko‘ra, shu kuni taxminan soat 20:00 larda Qarshi shahar, Nasaf ko‘chasida joylashgan supermarket ro‘parasidagi piyodalar o‘tish yo‘lagidan o‘tayotgan voyaga yetmagan qiz X.D.ni davlat raqam belgisisiz oq rangli Cobalt urib yuborgan.

Haydovchi hayoti va sog‘lig‘i xavf ostida qolgan piyodaga yordam ko‘rsatmasdan, hodisa sodir bo‘lgan joydan yashiringan. Natijada X.D. tan jarohati olib, shifoxonaning jonlantirish bo‘limiga yotqizilgan.

Mazkur holat yuzasidan Qarshi shahar IIO FMB huzuridagi TB tomonidan Jinoyat kodeksining 266-moddasi 1-qismi va 117-moddasi 1-qismi bilan jinoyat ishi qo‘zg‘atilgan. Holat yuzasidan viloyat miqyosida avtomashinani qidirib topish bo‘yicha ishlar tashkillashtirilgan.

Mavzuga doir: 

• Toshkentda Lacetti Nexia-3 bilan to‘qnashib, olti nafar piyodani ham urib yubordi
• Buxoroda katta tezlikda kelayotgan Nexia yo‘l chetidagi bolalarni urib yubordi
• Navoiyda Lacetti yo‘ldan o‘tayotgan ikki ayolni urib yubordi