Aholiga gaz yetkazib berishni oshirish maqsadida Farg‘ona vodiysidagi zapravkalar ishi vaqtincha to‘xtatildi

“O‘ztransgaz” Farg‘ona vodiysi viloyatlaridagi gaz zapravkalar ish faoliyati vaqtincha to‘xtatilganini e’lon qildi.

Qayd etilishicha, ob-havo sovib ketishi tufayli aholi, ijtimoiy soha obyektlarining tabiiy gazga bo‘lgan ehtiyoji ortgani bois ularga tabiiy gaz yetkazib berish dolzarb hisoblanadi. Shuni inobatga olib, Farg‘ona vodiysi viloyatlaridagi avtomobillarga gaz to‘ldirish kompressor stansiyalari 7-dekabr kuni soat 11:00 dan vaqtincha ish faoliyatini to‘xtatdi.

“Vaziyat izga tushgach, odatiy ish faoliyatiga qaytilishini ma’lum qilamiz. Keltirilgan vaqtinchalik noqulayliklar uchun iste’molchilardan uzr so‘raymiz”, — deyiladi xabarda.

Bundan avval Toshkentda imkon qadar ko‘proq xonadonlarni gaz va issiqlik bilan ta’minlash maqsadida, jamoat transport vositalariga xizmat ko‘rsatadigan shoxobchalardan tashqari, qolgan barcha avtomobillarga gaz quyish shoxobchalari vaqtinchalik yopilgandi.

Mavzuga doir:

• Metan zapravkalarda inqiroz — dushanba og‘ir o‘tadi, va’da va’daligicha qoldi
• “Bu hali holvasi bo‘lishi mumkin” – o‘zbekistonliklar elektr va gaz ta’minotidagi uzilishlar oqibatidan xavotirda