Namangan viloyati sudi raisi Abdurasul Eranov lavozimidan ozod etildi. Bu haqda Sudyalar oliy kengashi xabar qildi.
Qayd etilishicha, O‘zbekiston Respublikasi prezidentining farmoyishiga muvofiq, u yozma arizasiga binoan Namangan viloyat sudining raisi lavozimidan ozod etilgan.
Abdurasul Eranovning sudyalik vakolatlari muddatidan ilgari tugatilgan.
Ma’lumot uchun, u 2021-yil yanvar oyida besh yil muddatga Namangan viloyat sudining raisi lavozimiga tayinlangandi. Tayinlovga qadar O‘zbekiston Respublikasi Oliy sudi sudyasi lavozimida ishlagan.
Izoh (0)