Sony kompaniyasi inson shaklidagi robotlarni ishlab chiqarishga tayyorligini ma’lum qildi

Yaponiyaning Sony korporatsiyasi bosh texnologi Xiroaki Kitano kompaniya inson shaklidagi robotlar ishlab chiqarishni yo‘lga qo‘yishga tayyorligini ma’lum qildi. Bu haqda Reuters xabar bermoqda. 

Texnologiya nuqtayi nazaridan dunyoning bir qancha kompaniyalari, shu jumladan bizda ham gumanoid robotlardan foydalanish istiqbolli ekani ma’lum bo‘lishi bilanoq ularni tezda yaratish uchun yetarli darajada to‘plangan texnologiyalarga ega, — dedi Xiroaki Kitano.

Sony — ko‘p tarmoqli professional elektronika, video va musiqa kontenti, kompyuter o‘yinlari va moliyaviy xizmatlar kompaniyasi. 

Bu dunyodagi eng yirik media korporatsiyalardan biri bo‘lib, sho‘ba korxonalari kinofilmlar, televideniye va musiqa dasturlari, video o‘yin pristavkalari va kompyuter o‘yinlarini ishlab chiqaradi. 

Xususan, korporatsiya Sony Music Entertainment rekord leybliga, Columbia Pictures va TriStar Pictures kinostudiyalariga, shuningdek, MGM filmlarining to‘liq arxiviga (Amerikaning Comcast kompaniyasi bilan birgalikda) egalik qiladi. 

Xoldingning boshqa bo‘linmalari moliyaviy xizmatlar (har xil turdagi sug‘urta, lizing faoliyati, kreditlash) sohasida ishlaydi.