Saudiya Arabistoni Osiyo va Yevropa uchun neft narxini pasaytiradi

Saudiya Arabistoni yanvar oyida Osiyo va Yevropadagi xaridorlar uchun neftning turli navlari uchun narxlarni pasaytiradi. Bu haqda Saudi Aramco’ga tayanib Bloomberg xabar bermoqda.

Ma’lumotlarga ko‘ra, ushbu narxlar AQSH uchun ketma-ket ikkinchi oy o‘zgarishsiz qoladi.

Shunday qilib, keyingi oyda asosiy navdagi Arab Light nefti narxi bir barrel uchun 2,2 dollarga tushadi.

Saudi Aramco, shuningdek, Shimoliy-G‘arbiy Yevropa va O‘rta Yer dengizidagi mijozlar uchun ko‘p turdagi neft narxlarini pasaytiradi.

Aramco qarori Saudiya Arabistoni va Rossiya boshchiligidagi 23 davlatdan iborat OPEK+ guruhi xom neft ishlab chiqarishni bir xil darajada ushlab turishga qaror qilganidan bir kun o‘tib chiqdi.

Avvalroq Rossiya Yevropa Ittifoqi joriy etgan neft narxi chegarasini qabul qilishdan bosh tortgani haqida xabar berilgandi.