O‘zbekiston 2022-yilning yanvar—oktabr oylarida xorijga qiymati 5 mln dollarga teng bo‘lgan 25 mingta mobil telefonlarni eksport qilgan. Bu haqda Davlat statistika qo‘mitasi xabar bermoqda.
Telefon eksporti 2021-yilning mos davri bilan solishtirilganda qariyb 10,5 ming donaga oshgan. Import esa xuddi shu davrda 153,7 mingtaga oshgan.
O‘zbekiston 10 oyda eng ko‘p telefon eksport qilingan davlatlar orasida Rossiya yetakchilik qilmoqda — 16,8 ming dona.
Bu borada keyingi pog‘onalarda Ukraina va Qozog‘iston bormoqda — mos ravishda 5,3 ming dona va 2,9 ming dona.
O‘n oyda O‘zbekistonga eng ko‘p telefon esa Xitoydan olib kelingan — 1,8 mln dona. Bu borada 247,5 mingta bilan BAA ikkinchi o‘rinda bormoqda.
Izoh (0)